بترت جملتها و هي تنظر له جالس على الاريكه في مقابلة والدها
ابتلعت ما في حلقها بارتياب و ضيق و هو ينظر لها بعسليتان مميزتان
سالم :تعالي يا نور….
نور بحدة:انت بتعمل ايه هنا… انا بلغت والدك ….
قاطعها بصرامة وهو ينظر لوالدها قائلا بجديه
:ممكن تسيبنا نتكلم شويه يا عمي معليش بس حابب أصلح سوء التفاهم اللي بينا
سالم بتعب: ماشي يا ابني انا هدخل اخد الدوا تشرب اي؟
باسل :مالوش داعي تتعب نفسك
سالم:لا والله ما تحصل قولي تشرب ايه؟
باسل بابتسامه :ممكن قهوة
سالم:من عيوني….
خرج و تركهما بينما شعرت بالذهول وهي تنظر له
:سوء تفاهم ايه؟ انت قلت لابويا ايه و بعدين انت بتعمل ايه هنا انا بلغت ابوك برفضي جاي تعمل ايه
وضع ساق على الأخرى بغطرسه بينما اخرج علبة السجائر لينفث سيجار ببرود قائلا بحدة
:مجتيش في المعاد ليه؟!
مسحت على وجهها بغضب و ضيق
:انت عايز ايه؟ اديني مجتش عايز تعرف ليه علشان عرضك مرفوض و انا مقبلش اكون زوجه لواحد زيك لا و كمان في السر
زي الحراميه يعني أقل حقوق اي بنت مش هتكون من حقي لا يا باشا تشكر مش انا
رفع عيناه ينظر لها بوجه خالي من التعبير