لم تكمل جملتها حيث صفعها زوجها بغضب و غيظ من غبائها الذي يخسره الكثير و أهم خسارة هو صالح الشهاوي و ابيه
:اخرسي بقى يا بنت ال… انا مش واقف بينكم….
تركها تبكي و شفتيها تنز”ف أثر ضربه لها
عثمان :حقك عليا انا يا صالح….حقك عليا يا بنتي
صالح بحدة:و انا مش مستني اعتذار…. انا عايز اللي غلطت هي اللي تعتذر
عثمان :حاضر حاضر… انطق يا وليه بدل اقسم بالله ارمي عليك يمين الطلاق1
ثريا بدموع:تطلقني؟!
عثمان :اعتذري
زينب بحزن و اشفاق:مالوش لازمه يا…
بترت جملتها بعد أن رمقها بنظرة حادة قاسيه
ثريا :انا اسفه يا زينب
صالح بحده:زينب هانم…..
ضغطت على أسنانها بعنف قائله بحنق
:انا اسفه يا زينب هانم….
صالح : و حاجه لازم تحطيها حلقه في ودنك
زينب مش مراتي و بس دي بنتي و اسمها على اسمي زينب صالح الشهاوي
يمكن منصور مش ابوها و يمكن متعرفش مين أهلها لكن من يوم ما اتجوزنا و هي بنتي
على الاقل هي رغم ظروفها الا انها دايما كرامتها فوق الكل مش زي بنتك
اللي كل كم يوم تنطلي في الشغل و انا عامل نفسي مش واخد بالي وبقول عيله طايشه لكن هي معندهاش د”م و لا اتربت
انا لا عمري بصتلك ولا هبصلك و لا حتى تفرقي معايا لا قبل ما اتجوز ولا بعد