على فكرة” على” قالي اخد منك الورق بتاع الكليه اللي انتي كنتي سحبته علشان يقدملك تاني و ترجعي كليتك فات سنتين يبقى نشد حيلنا كدا و نرجع مع بدايه السنه الجديده كمان شهرين
حبيبة انا والله العظيم بعزك و بحبك لاني كنت متأكدة انك جدعة و استحملتي سنين من بعد ما ابوكي توفي و
احنا اهلك يا بنتي لو حصل اي حاجه احنا جانبك
و على فكره انا مش بقولك كدا علشان موضوعك مع علي لا انا بس مش عايزاك تخافي و خليكي عارفه اننا في ضهرك
قوليلي بقى بتعملي اكل ايه حلو؟
حبيبه بسعادة: بسله بالجزر و رز و فراخ
لازم نتغدا سوا امي نزلت تجيب شوية حاجات من السوق… هدخل احط الجزر و ازودها… تشربي ايه؟
هدي بابتسامه : وحشني فنجان القهوة من ايدك… عايزه فنجان يظبط الدماغ لحسان حاسه اني مزاجي مش رايق
حبيبة:من عيوني
———————————
في منزل الشهاوي
دلفت ايمان لمنزل والدها و هي تنادي على والدتها بصوت عالي
حياء :في ايه يا بنتي في اي… صوتك جايب اخر الشارع!!
ايمان بسعادة: معليش من فرحتي وحشتني اوي… اومال فين بابا؟
زفرت بضيق و هي تنظر لابنتها بينما تتجه للمطبخ
:ابوكي نزل الوكالة مع عمك جمال.. ياله ادخلي غيري وتعالي ساعديني نجهز الغدا اخوكِ في طريق هو و زينب و
يمكن يوصلوا في اي لحظه…. قوليلي عملتي ايه في المستشفى؟!
ايمان بحماس:ما هو دا اللي مفرحني اليوم كان حلو اوي و الأسبوع الجاي هدخل عمليات مع دكتور بس طبعا هكون مساعد له مش اكتر
حياء :الف مبروك يا حبيبة قلبي ان شاء الله تدخلي عمليات و تكوني الدكتورة الاساسيه و تنجح يارب دايما
ايمان بسعادة: يارب صحيح معاد مكالمة يوسف هدخل اغير عايز يكلمك…
حياء :والله وحشني اوي كان عامل حث للبيت حلو اوي يارب يرجعلك لينا بالسلامة يا ابن الصاوى….
أيمان باشتياق و حب:يارب يا أمي يارب.. تعرفي وحشني اوي رغم انه بيكلمني كل شوية بس مش بيكلمني