زينب:عليه أفضل الصلاة والسلام
صالح:
بصي يا زينب الحياة علشان تستمر عايزة أتنين يشيلوا الحمل… أوعدك ادام ربنا اكون دايما في ضهرك لو خفتي
في يوم من الأيام او زعلتي…. الحياه لازم نقابل مشاكل بس انا من يوم ما كتبت كتابي عليكِ وأنا واخد عهد أدم ربنا اني اكون معاكي أخ و زوج و أب
حاجز الحرج بينا اتمنى يتشال و تثقي فيا
زينب بارتباك:بس انا مش زيك انا يعني الصراحه قلتلك قبل كدا اني مكملتش تعليمي و يدوب بقرا كويس و لما بقرا في المصحف احيانا بحس ان في آيات مش فاهمه معناها و برضو كنت بقرا قراءه عاديه مش زيك… حافظه من القرآن اربع أجزاء
انهت جملتها بحرج شديد و هي تتفادي النظر اليه
صالح:اولا ارفعي راسك و اوعي توطيها…. و بعدين ياستي انا روحت فين؟ خلينا نحدد وقت كل يوم انا اقرالك جزء من القرآن و اشرحلك اللي مش فاهمه و اسمعلك بس اوعي تتكسفي يا زينب بالذات في الجانب دا من حياتنا
عن عبد الله بن عمر رضي الله عنهما عن النبي صلى الله عليه وسلم قال
: (أَلَا كُلُّكُمْ رَاعٍ، وَكُلُّكُمْ مَسْئُولٌ عَنْ رَعِيَّتِهِ، فَالْأَمِيرُ الَّذِي عَلَى النَّاسِ رَاعٍ، وَهُوَ مَسْئُولٌ عَنْ رَعِيَّتِهِ، وَالرَّجُلُ رَاعٍ عَلَى أَهْلِ بَيْتِهِ، وَهُوَ مَسْئُولٌ عَنْهُمْ، وَالْمَرْأَةُ رَاعِيَةٌ عَلَى بَيْتِ بَعْلِهَا وَوَلَدِهِ، وَهِيَ مَسْئُولَةٌ عَنْهُمْ، وَالْعَبْدُ رَاعٍ عَلَى مَالِ سَيِّدِهِ وَهُوَ
مَسْئُولٌ عَنْهُ، أَلَا فَكُلُّكُمْ رَاعٍ، وَكُلُّكُمْ مَسْئُولٌ عَنْ رَعِيَّتِهِ) متفق عليه.
صالح:يعني انا مسئول عنك و مسئوليتي اني اخد بيديك و انتي تاخدي بيدي للجنه
يوم لقيتني بقولك لا مش قادر انزل اصلي و تعبان… قوليلي طب ياله نصلي سوا و خليك أمامي..