“أعوذ بالله من الشيطان الرجيم.. في ايه يا بنتي مضلمه الاوضه كدا ليه…”
اتجه نحو ستار الغرفه لفتحها انتشر الضوء بارجاء الغرفه
“يا حبة عيني يا بنتي مالك يا حبيبة… مش ناويه تخرجي بقى دا حتى احنا في أيام مفترجه”
اعتدلت في جلستها بارهاق قائله
“ماليش نفس اخرج يا ماما حاسه ان مش قادره اشوف حد و لا اكلم حد”
فاطمه بود:
و بعدين؟ هتفضلي في الكئابه دي كتير….
جلست بجوارها بخبث
“على فكره… على اتصل عليا كان بيطمن عليك و بيقول لازم تاكلي و بلاش الحزن دا
بيحبك يا حبيبة…. بيحبك اوي…..
وعلى فكره الواد دا ابن أصول حتى لما كنتي على ذمت شاكر كان بيكلمني يطمن عليا دايما….. متديله فرصه يا
حبيبه… بلاش تضيعيه من ايديك…”
حبيبة:
انا خايفه يا ماما…. خايفه اوي… الناس مش هترحمني… و خالتي هدى نفسها مش هتقبل ان ابنها الوحيد يتجوز
واحده ارملة و سبيته علشان الفلوس….
غير على نفسه…. على محتاج واحدة تديله السعادة مش واحدة زي…
انا اصلا خايفه اديله امل لان انا معنديش امل في اي حاجه….”
فاطمه
:اسمعيها مني يا بيبة الناس يا حبيبتي عمرها ما هتسيبك في حالك هينفضلوا كدا ينحروا في فروتك… ما هي دي
الحاجه اللي في ايديهم يعملوها…. ياله فوقي كدا و تعالي نتمشى على البحر دا الجو النهارده جميل برا و بطلي كسل….”