على بعتاب
” على فكره يا حاجه انتي مش بتغلطي في حبيبه بس انتي كمان بتلغطي فيا هو انا مش راجل ادامك”
ضربت بخفه على صدره قائله بسرعه
” يا ابني انت سيد الرجاله بس… لا يا علي لا و بعدين دي لسه جوزها ميت والناس و… ”
على
” هو قلتلك هنروح نخطبها دلوقتي اسمعيني بس …. حبيبة طول عمرها بتحبك و هي الأيام دي تعبانه و لازَم نكون
جانبها ايه رايك تروح تزوريها و اقعدي معها لو حسيتي ان حبيبه اتغيرت عن حبيبة بتاع زمان يبقى ليك الحق انك ترفضي…. انا لا يمكن اعمل حاجه بدون رضاكي لو عايزه تكسري بخاطري ارفضي ”
تنهدت بقلة حيله وهي تنظر لابنها بحب اموي
” ماشي يا علي انا موافقه علشان عارفه كويس اوي انك مش صغير و بتعرف توزن الأمور و هاخد زياره و اروح اشقر عليها دي مهم كانت برضو كنت بعتبرها بنتي في يوم من الايام…. و ربنا يسعدك يا ابني ”
ابتسم بسعاده وهو يقبل يدي والدته قائلا
“ربنا يحفظك و يخليك لي يارب يا ست الكل ”
” يا بكاش كل دا علشان السنيوره بتاعتك ماشي يا علي ”
” متقوليش كدا دا انتي الخير والبركة يا ست الكل”
==========================
في منزل حبيبه القديم
تجلس في غرفتها ممدده على الفراش وهي تنظر لسقف الغرفه
جذبت الغطاء بقوه وهي تضم جسدها شاعره بالبرد رغم ان الطقس حارلكن تشعر ببروده تسري بجسدها
تلالات الدموع في خضراوات عينياه
دلفت والدتها لغرفتها لكن ما ان دخلت حتى شهقت بفزع