يوم شفتك في السوق و انا بخاف من الوش دا… كنت فاكره ان حبك ليا هيخفي الشخصيه دي لأنها بترعبني لكن كانت موجوده دايما بتحاول تداريها…..”
جذبها بقوة لاحضانه مرتبا على ظهرها بحنان
” الشخصيه دي موجوده دايما علشان تحميكي….. مينفعش يا حياء… الحب مش كدا… مينفعش اسكت وانا شايفك بتاذي نفسك…. و مينفعش تحرجي جوزك بالشكل دا، انتي عارفه اني صح بس عماله تقوحي… بطلي عياط يا هبلة…. ”
تحشرج صوتها أثر بكائها
“على فكره مش بعيط…. وانا مش قصدي احرجك و لا عمري يا جلال فكرت احرجك طول عمرك بكبر منك و عمري ما قللت منك أدام حد ، انت نفسك متقدرش تنكر دا بس…. بس انا… مبحبش طريقة الاكل دي و الادويه انت عارف انها دايما بتتعبني اكتر”
مد انامله ليرفع راسها له
“عارف انك عمرك ما قليتي مني و عمري ما هنكر دا و عارف انك ست البنات و هفضل شايلك فوق راسي علشان اللي عشتيه معايا مفيش واحدة استحملته علشان راجل
عارف انك بنت أصول وقفتي معايا في شدتي و عمرك ما عيرتني بضعف ماليش ذنب فيه
و لما كانوا هيجبوا في سيرتي قلتي انك انتي اللي مبتخلفيش و مسلمتش من لسانهم
استحملتي حياتنا في الفقر و في الغني… و استحملتي اذيه امي ليكي و سامحتي اخويا مع ان كان له يدي في موت ابوكي..
ربيتي ولاده و كنتي امهم… وعمرك ما جرحتني بكلمه تكسرني…..
علشان كدا يا حياء مش عايز اخسرك والله العظيم ما هقدر اخسرك….. عارف انك بتكرهي الطريقه دي في العلاج…. لكن انا مش هستحمل…. اقسملك برب الكعبه ما هستحمل يوم واحد….
عارفه زمان لما اتخنقنا و انتي قلتي انك سلمتيني نفسك علشان مطلقكيش رغم اني كنت مقهور وحاسس لأول مره ان في واحدة جرحت كبريائي و رجولتي
الا ان مكنتش قادر على البعد… مكنش يعدي يومين ارجع من بوسعيد علشان اقعد جانبك ساعه واحده… ساعه واحد أملي عيني منك وانتي نايمه… مبالك دا من بعد حبي ليكي بمدة صغيره… تفتكري دلوقتي بعد واحد وتلاتين سنه عندي استعداد ولو واحد في الميه اني اخسرك ”
اجهشت ببكاء ترى عينيه تلمع بدموع مخيفه
” انت بتبكي….. ”
جلال :كنت دايما بحس ان حبي ليكي ضعف لأنك الوحيدة اللي قادرة تخلي دموعي تنزل”