رفع عينيه وتقوست شفتيه باستمتاع لاغاظتها
“مش قلتي استناكي و اديني واقف مستني…”
مسحت على وجهها بنفاذ صبر ومن ثم تمتمت بصوت خافض
“والله العظيم هيجيلي الضغط…. كدا كتير عليا وانا واحدة صاحبة مرض مش ناقصه”
ثم تابعت بصوت مرتفع
” اتفضل يا جلال بيه سمعني ايه الموضوع المهم اللي عايزني فيه و مش قادر يتأخر لدرجه ان حضرتك واقف كدا حتى مش عايز تسبني اتنيل اغيري .. سمعني”
ابتسم بخبث قائلا بحده مريبه وهو يتفقدها مليا
” اعتذري….. ”
رفعت حاجبها باستنكار قائله
” اعتذر…. انا اللي اعتذر…. اعتذر على ايه ان شاء الله ”
حدثها بعتاب
” لسانك الطويل…. وعلى طول ماشيه بدماغك و بتنطحي في الصح و…”
” بنتطح…. شايفين طور ”
” لما تركبي دماغك في الغلط تبقى طور و طور هايج كمان….. ”
رفعت سبابتها في وجهه بغضب
“جلال مسمحلكش تهني”
” بت.. بت نزلي صباعك ايه قلت الأدب دي.. وبعدين في ست محترمه تسيب جوزها و تقوم تمشي كدا…. مش
شايفه انها اهانه ليا ولا نسيتي مين جلال الشهاوي. قسما بالله اكسر دماغك مكانك فاهمه يا حياء و اعقلي ماشي اعقلي…. علشان انا مش عيل صغير على اخر الزمان تيجي انتي و تحرجيني… وبعدين ايه شغل المراهقين دا… انا عارف مصلحتك اكتر منك انتي شخصيا فاهمه ”
صوته العالي… غضبه.. حدة نبرته
اشعرها بالفزع متحدثه بعتاب ممزوج بلمعه دموع
” على فكره انت بتخوفني منك… طول عمري بخاف من قلبت وشك بالطريقه دي يا جلال…. طول عمري ما اول