ابتسم بارتباك يحاول الثبات على قدر المستطاع أمامها لكن خوفه يغلبه
فردت يديها أمام يديه ليشابك اصابعه باصابعها مبتسم برفق
“هو انا باين عليا اوي اني خايف عليك”
حياء بهمس:اوي اوي….
جلال بهدوء :تفتكري صالح و زينب فين دلوقتى و ليه مرضاش يقولنا هما سافروا فين؟
ابتسمت و هي تغمز له بشقاوة
“يا جدع انت مالك هو انت حد كان سألك انا وانت روحنا فين في شهر العسل بتاعنا
فاكر يا جلال قعدنا اسبوع لا بتنزل لا الوكاله و لا الشادر لدرجه ان نوارة الله يرحمها
كانت كل ما تشوفني
تقولي اسبوع يا قادره اسبوع كنت بضحك اوي الصراحه وانت اصلا مفتري
جلال بسعاده :ان كان عليا مكنتش عايز انزل خالص بس اعمل ايه بقى… بس امي قالتلك كدا امتى؟ مش فاكر انك
قولتيلي حاجه زي كدا
حياء :كنت بتكسف اقولك علشان عارفه اي اللي هيحصل بعدها….. كنت قليل الادب اوي الصراحه و الناس كلها بتشهد باحترامك حكم
جلال بمراوغه :قلة الأدب دي للحبايب بس يا عيوني….
حياء
:و ربنا هسيبك و امشي و بطل تكسفني و ياله بقى اظبط علشان الدكتور جاي…… ”
دلف الطبيب الي المكتب معتذرا
الدكتور:اسف لو اتاخرت عليكم….
جلال :ولا يهمك يا دكتور ها ايه الاخبار؟
الدكتور بابتسامه :الحمد لله نتيجه التحليل كلها بخير الحمد لله بس المشكلة في المعدة
كنت شاكك ان المشكله في الكبد بسبب الأعراض دي
بس الحمد لله المشكلة طلعت بسيطه في المعده و الألم اللي حصلت دي بسبب لغبطه في الأكل غير هكتبلها