– متسألنيش عن أي حاجة في حياتي الشخصية أو أي حاجة حصلت قبل ما أعرفك ها موافق
– بإبتسامة ” أتفقنا
وبما أننا صحاب بقي في عاوز أقولك ع حاجة مهمة
– حاجة ايه ؟
– منمن هتقترح عليكي بكرا نروح نغير جو في أي مكان شرم مثلا او مرسي مطروح العين السخنة كدا يعني
– وأنا دخلي أيه ما تروحوا !
– أنتي الممرضة بتاعتي وواجبك تكونى جمب المريض بتاعك ولا ايه
– اه دي تدبيسة جديدة من بتوعك مش كدا
– ع العموم منمن هتقنعك أنتي عارفه مفيش حاجه بتقف قدامها أنتي حرة
– أنا عاوزة أروح أسكندرية وحشنتني أوي
– ماشي كلامك خلاص نروح أسكندرية وبالمرة نروح عن تيته ومي تقعدوا معاهم يومين
– أنا مش عاوزة حد يعرف منهم مكاني
عاوزة أروح البحر وبس هو الوحيد إلا لما بشوفه بيفهمني من غير ما أتكلم
– يابخته والله
– رفعت حاجبها ” شكل وحشك التهزيق ولا أيه؟!
– لا وع ايه الطيب أحسن خلاص نسافر بكرا إسكندرية عندنا شاليه هناك بنروح نصيف فيه في الصيف هوصلك هناك الاول وبعدها هوصل ماما لبيت تيته علشان ميعرفوش أنك معانا
– معرفش هرد جمايلك دي إزاي