انا قولت لازم ييجي ليها فستان زفاف مخصوص حتي لو هتصنعيه انتي المهم قدامك يومين والا البيوتي سنتر اللي انتي فرحانه بيه دا …هيتقفل واتحداكي لو اشتغلتي في اي مكان تاني سواء برا البلد او جواها
وخرج وسابنا محتارين وبنبص لبعض بعدم فهم هو دا حقيقي دي طفله شكلها مايتعداش 9 سنين دي حتي وقفتها بتدل علي ان دي مستحيل تكون اعلي من 9 سنين دي حتي مش من الأقذام
خلاص يا حوريه لازم ننفذ اللي قال عليه احنا تعبنا علي ما قدرنا نبني البيوتي سنتر دا ونقف علي رجلينا
وشكله راجل عنده جبر…وت كدا وواصل
ايوه بس دي طفله دي كانت واقفه بتكتشف المكان بمنتهي البراءه والطفوله
خلاص بقي يا حوريه ماتكبريش الموضوع كدا ويلا عشان نبدء نصمم الفستان قدامنا يومين بس
مر اليومين والفستان اتصمم وجيت الطفله دي وقعدت قدامي لان دا يوم زفافها
كنت بحط ليها الميك اب ونفسي اسألها عن اسمها او عمرها لكن كان في جارد واقف ومش بيتحرك
كإنه مراقبها فضلت افكر اخرجه ازاي عشان اتكلم معاها لحد ما قولت ليه يخرج هنظبط كام حاجه في الفستان عليها وبالفعل خرج وفضلت انا وهي سألتها عن اسمها قالت ان اسمها
حواء طب وعمرك كام يا حواء بقي قاطعني صوت قوي ضخم كدا وقال
شيء مايخصكيش
بصيت وانا ضر…بات قلبي بتعلي من صوته
هو انت
كانت الطفله لابسه الفستان الابيض وبرغم ان احنا غيرنا كتير في المقاسات الا ان هو كبير بردوا عليها
يلا عشان انا مش فاضي قال الكلام دا بصوت ضخم
حواء : انا عايزه اظبط بس الفستان عشان في حاجه حاده
اتكلم وقال : حاده اي وبارده اي اخلصي قولت ليكي مش فاضي
رديت عليه وقولت : لازم تدخل تشوف اي الحاجه دي جوا وبعدين تنادي علي حد فينا يظبطها ليها
يا مسهل يارب اخلصي