انتى بتقولى ايه مستحيل احمد يعمل فيا كدا ..احمد دا حب حياتى ..انا فتحت عنيا على الدنيا لقيته ..هو كل أهلى …هو وعدنى بالجواز
انا ضعفت وسلمت ليه نفسي من كتر ثقتى فيه ..انا ماكنتش فى وعيي ولما فوقت لقيت نفسي ….ما تسألنيش ازاى لانى لحد دلوقتي معرفش دا حصل ازاى. مستحيل انتى بتكذبي عليا…احمد مستحيل يسيبنى
صبا : يا نهارك مش فايت انتى بتقولى ايه ..ازاى تعملى كدا ..ليه يا ماسه احنا مش حيلتنا حاجه غير شرفنا من بعد وفاة بابا وماما …من يوم ما رجعنا مصر وعمك ومراته كوشوا على كل حاجه … بصريخ ليه ضيعتى
نفسك ..انتى ضيعتينا
اعرفكم بنفسي عارفه انكم كرهتونى بس غصب عنى ..ماكنتش فى وعيي ومهما اقول محدش هيصدقنى ..حتى احمد كل ما احاول اسأله يغير الموضوع …
انا ماسه كنت من أغنى اغنياء البلد عايشه فى عز بابا وماما لما كنا مسافرين ل كندا ..عندى عشرين سنه فى كليه الطب …رجعنا مصر وانا فى اعدادى بعد ما بابا وماما ماتوا …ما شوفتش حب ولا حنيه غير مع احمد …بقلم منال عباس
بيقولوا عليا جميله جمال الأجانب ..اصل انا شبه ماما الكنديه بس جمالى هيفيد بايه بعد اللى حصلى خسرت كل حاجه فى الدنيا بدايه من بابا وماما اللى ما*ت*وا فى الح*ادثه ..وفلوسنا وممتلكاتنا اللى عمى بصفته الواصى علينا اخدها…
حتى احمد حب عمرى وابن عمى ..اللى كان ديما يقولى انتى حب حياتى ..انا اللى ربيتك على ايديا
هو الوحيد اللى كان حنين عليا انا وصبا اختى الصغيرة ..لسه فى ثانويه …
صبا : سرحتى فى ايه يا ماسه ..كدبى ودانى وقولى أن اللى سمعته دا مش حقيقه
ماسه : انتى متأكدة من كلامك ..احمد سافر !! ازاى
وامتى دا ما جابش سيرة ليا ابدا عن سفره
صبا : انا كنت معديه وسمعت عمك بيقول لمراته
يلا همى بسرعه علشان نكون مع احمد قبل السفر