– جري ممرضين بسرعة بإتجاهه أول ما سمعوا صوته ” في ايه ي أستاذ صوتك والمرضي “جابوا ترولي بسرعة وجه دكتور ”
– بصوت مكتوم من أثر العياط ” وعد مالها هتبقي كويسة بالله عليك طمني
– قرب منها الدكتور وفتح عينيها وهو بيتفحصها” حضروا أوضة العمليات بسرعة وأنبوبة أكسجين النبض منخفض
– مسك في بالطو الدكتور وهو بيترعش ” أنت واخدها مني ورايح بيها ع فين
– نزل إيده بعصبية ” أهدي ي أستاذ وسبنا نشوف شغلنا
” دخلت وعد العمليات وكله بيجري بأدوات التعقيم وحمزة واقف خلاص الرؤية بقت مشوشة قدامه شايف ناس بتجري وبتختفي قدامه وفجأة حس بخبطه جامدة وهو بيتصدم بالأرض ”
– ألحقواا في واحد أغمي عليه هنا
– جريت عليه ممرضة وزميلها سندوه ونزلوه الاستقبال يفوقوه”
” بعد ساعة ” في الفيلا
– يعني ايه متعرفيش راح ع فين !!
– بعياط ” زي ما بقولك كدا جه خد المسدس بتاعه وهو مش شايف قدامه جري ع طول بالحراس بتوعه أنا خايفة عليه أوي ليورط نفسه في حاجة
– فريد فين ؟!
أزاي متصلتيش بيه يلحق أخوه بسرعة
– كلمته في الشركة قالوا خرج وميعرفوش راح فين حتي تلفونه مقفول
” قطع المكالمة صوت حارس من حُراس حمزة الخاصة ”
– حمزة فين أنطق بسرعة
– وهو بياخد نفسه بإرهاق” الهانم في المستشفي مضروبة بالنار في رجلها وحمزة بيه وقع مغمي عليه هناك
” فجأة حس الدنيا بتلف حوليه حط إيده ع رأسه كان هيقع الحارس سنده بسرعة ”