فضلت حاض”ناه أكتر من نص ساعة وهو بيطبطب علي ضهرها شوية ويمسح علي شعرها شوية وهو بيقرألها قرآن لِحد ما لقي نفسها إنتظم
بص عليها لقاها نامت
close
عدلها علي السرير وغطاها كويس ، بص علي الدبلة اللي في إيديها
إبتسم وقال : يارب قرب مني الخير
كان هيطفي نور الأباجورة إفتكر إنها بتخاف سابها وبص عليها بصة أخيرة وطلع من الأوضة
” بعد إسبوع ”
دخلت أسماء وسندس وملك ورحمة أوضة ريناد وهما بيزغرطو ويسقفو وبيغنو
قربت ملك وهي بتصحي ريناد وبتقول : قومي يا عروسة إيه منيمك لحد دلوقتي
غطت ريناد وشها وقالت : سيبوني أنام شوية أنا نايمة بعد الفجر
فتحت أسماء الستاير وقالت : صحوها يا بنات حتي لو بالعافية
شمرت سندس وقالت : سيبي الموضوع دا عليا
قربت من ريناد وشالت الغطا من علي وشها وجات جمب ودنها صو”تت وقالت : رينااااااد
قامت ريناد مفزوعة وقالت : فيه إيه الله ياخدك