غمض عينيه بِعصبية وقال : رجعلي الحته اللي فاتت دي
رجعلو بتاع الأمن تاني ، شاور داغر علي البنتين وقال : مين البنت اللي ماشيه مع ريناد إبراهيم
بص العميد عليها وقال : دي سندس عزت طالبة معاها في نفس السنة
close
حط داغر إيدو في جيبو وقال : عايز عنوانها
بصلو العميد وقال : هو حضرتك تعرفها طب أو تعرف ريناد ؟
بصلو داغر بصة طويلة وبعدها قال ببرود : عايز العنوان
رد العميد وقال : تعالي معايا
طلع معاه ودخل مكتبو تاني وفتح الكمبيوتر وقال بعدها بِشوية : العنوان ********
سكت داغر شوية وبعدها قال : تمام شكراً
طلع ومحمود طلع وراه
طلعو من الكلية وقال داغر لِمحمود : روح إنت علي الفيلا وأنا هروح أجيبها وأجي
إتكلم محمود وقال : تمام يا باشا
ركب محمود عربيتو وركب داغر عربيتو ومشي
رنت أسماء عليه ، فتح عليها وقال : إيه