ساندتها مريم برفق تجلسها علي أقرب مقعد هاتفه لها :
_ هتلاقيكي دايخه علشان مأكلتيش حاجه .. تعالي نتعشا يلا !
نفت روسيل برأسها تهمس لها ببكاء :
close
_ مش هايز (عايز) أكل .. بليز يا مريم !
نظرت لها مريم بقلة حيلة لا تعرف ماذا تفعل فهتفت تخبرها بتساؤل :
_ طيب عايزة ايه و انا اعملهولك !
_ هايز (عايز) هلي !
قالتها قبل ان تسقط فاقدة الوعي بين ذراعي مريم .. تنهدت مريم بشدة و اراحتها فوق الاريكة قبل ان تتجه تحضر كحولا لايقاظها .. وضعته علي يدها و قربته من انفها لتستنشقه الاخري و تبدأ بالارتجاف و فتح عيناها .. تنهدت مريم بشدة هامسه لها :
_ خضتيني بجد !
حاولت النهوض فساعدتها مريم علي الاعتدال قبل ان تهتف لها بضيق :
_ بصي بقي انا كلمت أبيه و هو قالي انه جاي .. ممكن بقي تاكلي حاجه لحد ما يجي علشان متهبطيش تاني ؟؟