_ مالها البت !
_ قال يختي البت ابصر ايه .. هربت مع واحد بتحبه قبل فرحها ، قالت لامها انها راحه مع صاحبتها المستوصف و مرجعتش ،، قعدو يدورو عليها لحد ما اتهد حيلهم و في الاخر لاقوها هربانه من شقه مفروشه !!
close
لطمت وداد علي صدرها بعنف تهتف بجزع :
_ ياااالهوي .. ربنا يستر علي ولايانا ملناش دعوه بحد يا ام سيد احنا عندنا بنات
_ و مالو يا اختي هو انا قولت حاجه .. ده الكلام انا سمعته كل اهل الحارة بيقولوه !
اماءت لها وداد قبل ان تندمج معها في الحديث هاتفه :
_ طب و البت عملت ايه مع الراجل اللي كان هيتجوزها !
_ هتعمل ايه يعني ، لما عرفت انها خلاص … فشكل الجوازة طبعا و ابوها من ساعتها مش عارف يحط عينه في
عين اي حد !
_ حقه بردو .. بس دي مش اول قصة نسمعها عن الموضوع ده يا ام سيد كل فتره نفس الحكاية ، هو البنات جرالهم ايه !