حور فضلت تضحك علي كلامه / واضح ان اسد العقاد كان ليه مغامرات كتيرة اوي قبل الجواز مش كدة ..
اسد قرب منها و هي في المطبخ / يوووه متعديش بس مافيش حد قدر يخليني احبه ..انت الوحيدة اللي جننتيني ..وقرب منها علشان يبوسها
حور قاطعته في الكلام وزقته بعيد / وبعدين بقي ..هو انا قولت ايه ..ما تسمع بقي الكلام وروح اقعد لحد ما اجهز الفطار يا اسد
..وبرضوو خد بالك هاخد حقي منك
اسد بغيظ / اي المعاملة دي يا جميلة .. انت بتعمليني ليه كدا بس .. عموما انا اصلا غلطان انا جيتلك المطبخ علشان اصالحك .
و خرج اسد من المطبخ و هو زعلان اوي منها وقعد علي الكنبة وهو مبوز زي الاطفال … وحور كانت مصدومة و بتكلم نفسها / بقي يضربني و يتقمص اني زعلت سبحانك يارب .
وفعلا حور جهزت الفطار و حطته علي السفرة
حور بضحك / اسدي يلا الاكل جهز ..يلا قووم
اسد سمعها و عملت نفسه مش مهتم بكلامها .( مقموص🤣 )
حور فضلت تضحك عليه وقربت منه و
مسكت أيده بحب / ممكن تقوم تاكل معايا بقي . ده الاكل هيعجبك اوي
اسد شد أيده منها و برضو مرديش يرد عليها
.فحور قربت منه و باسته في خده / برغم اني زعلانة منك اوي يا اسد حاسة اني مش عارفاك ..بس برضو مش بحب اشوفك مقموص اعمل اي بقي