يالاهوي يالاهوي يالاهوي ملحد ياحور بتحبي ملحد حبيتي فيه ايه ده شوفتي ايه في واحد ملحد حاجه حلوه تحبيه عليها ده حتى مش مسيحي ده ملحد ملحد ياحور انتي واعيه
حور بدموع / أعمل ايه دلوقتي بحبه ياقمر بحبه ولو مشوفتوش مره قلبي بيوجعني أوي من بعده أعمل ايه في
نفسي يعني أنتحر
قمر/ اه ماهو ده اللي ناقص عشان تتقابلوا هناك في جهنم أهو بالمره تسليه
حور / يعني هو ده ذنبي اني حكيتلك يعني أعمل ايه دلوقتي
قمر / مش عارفه أقولك تعملي ايه مش عارفه
حور/ أنا هسيب الشغل ده خلاص
قمر/ وهتلاقي شغل تاني فين انتي ناسيه قسط الشقه اللي انتي قاعده فيها دي
حور/ ربنا يسامحك يا بابا ويرحمك راح وسابلي شقه كان جايبها بالقسط وقرض كان ساحبه من البنك محتاسه
فيهم لحد دلوقتي طب أعمل ايه ياقمر
قمر / حاولي تنسيه يا حور وادعي ربنا يشيل حبه من قلبك وفكري نفسك دايما أنه ملحد يعني مابيؤمنش بربنا أصلاً
حور/ كل ما أفكر في كده بحس قلبي بيتقطع ياقمر
قمر بمرح عشان تفك الجو / سيبك سيبك قوليلي انتي عامله أكل ايه انهارده أحسن كلاب بطني بتهوهو
حور/ معملتش أكل قومي هاتيلنا اندومي يلا
قمر / هو كل يوم اندومي أنا بقيت شبه الشعريه من كتر مابناكل اندومي
حور / ياختي ابقي اطبخي انتي
قمر/ ربنا على المفتري يا شيخه ونزلت للبقال
قمر/ ازيك ياعم صالح