نت اتجننت يا خالد عايز تبيع مليكه….
خالد: ابيعها!!! انا بعمل كدا علشان اعرف اصرف على اخواتها.. و بعدين دا جواز على سنه الله و رسوله يا ماجده
ماجده: جواز اي و الفلوس اللي هتاخدها.. احنا حتى منعرفش شكل العريس
خالد: انتي عارفه هيدينا كام؟
ماجده: مش عايزه اعرف انا اهم حاجه عندي بنتي
خالد: هو انا هرمي بنتي دا ملياردير.. هتعيش عيشه عمرها ما كانت تحلم بيها.
ماجده: طب قولي عرفها منين و شافها فين؟
خالد: مدير اعماله هو اللي كلمني و اتفق معايا
ماجده بانفعال: و بتقول مش بيع يا خالد
خالد بصوت عالي: انا قولت كلمه و مش هرجع فيها فاهمه ولا لا…
ثم رحل خارج الغرفه.. و لكن لم يرى تلك العيون التي كانت تتابع حديثهما.. فهى ترى والدها يقوم ببيعها دون التفكير في حياتها القادمه..
جلست بحسره على الفراش..تبكي على مصير ابنتها… وفي هذه اللحظه تدخل هذه الفتاه الجميله والحزن يعتلي وجهها البرئ… قائله لوالدتها..
مليكه بدموع: ماما انتي كويسه؟
ماجده في محاوله لإخفاء دموعها: الحمدلله يا حبيبتي..
ثم نظرت لإبنتها قائله: تعالي يا مليكه جمبي.
مليكه بحزن: ايوا ي ماما
ماجده: سمعتي اللي قاله ابوكي؟
مليكه بدموع و حسره: يا ماما دا حرام ازاي اتجوز واحد لا هو يعرفني ولا اعرفه.. لمجرد انو ها يدي بابا فلوس