:_ مرفوضه ازاي حضرتك؟
رد ببرود وهو بيرمي الملف على المكتب:_ يعني مرفوضه من الشغل، مش هنقبل نشغلك، ايه مبتفهميش؟
:_ ليه بس انا متفو….
close
قاطعني وقال بصوت عالي:_ المقابله خلصت اتفضلي..
سحبت الملف من فوق المكتب وخرجت وانا بعيط، وقفت قدام الأسانسير وطلبته وانا عماله امسح دموعي وبندب حظي وبقول لنفسي:_
يعني بعد كل دا متقبلش!
باب الاسانسير اتفتح ودخلت وانا باصه في الأرض وبعيط، مكانش في حد غير واحد بس…
سمعت صوته بيقولي بعد ما الأسانسير بدأ ينزل:_
ايه اللي حصل؟
قولتله وانا بعيط ولسا باصه في الأرض:_
حضرتك المدير البارد اللي هنا في الشركه….م..مرديش يقبلني في الشغل…مع مع إني مش شايفه أي سبب يخليه
يرفضني!
سكت شويه بعدها سمعت صوته الرجولي بيقول:_
تسمحيلي أشوف السي ڤي!؟