كانوا خرجين من الفندق، مستر تميم لما شافنا قالنا وهو بيقرب علينا:_
ايه دا مروحتوش ليه؟!
قولتله بإبتسامه:_ مستنيين أخويا عشان يوصلنا..
قالي بتذكر:_ ايوا قالي هيروح يجيب الملف، طيب تعالوا معانا متقفوش لوحدكم هنا.
قولتله:_ لا شكرًا احنا هنفضل هنا..
قالي بصيغه أمر:_ اخوكي قدامه أكتر من ساعه ونص عشان يجي…تعالوا يلا.
انا وبسنت مشينا معاهم زي الجواميس مش فاهمين رايحيين فين؟
#Nada_El_Shrief
لفينا حوالين الفندق اللي كان وراه بسين وطرابيزات فخمه حواليه، ورجال الأمن في كل حته..
كل واحد منهم راح قعد ما عدا انا وبسنت اللي وقفنا زي عودين القصب مش عارفين نروح فين!
مكانش في غير كرسي فاضي بسنت قعدت عليه ووقفت انا أبص حواليا..
بس زي ما بيقولوا انت مش عارف حظك فين؟!
وانا واقفه سمعت مستر تميم بيقول من ورايا:_
مقعدتيش ليه؟!
لفيت وقولتله بإحراج:_ مش لاقيا مكان أقعد فيه.