علاء بذهول : ايه الفلوس دى كلها وجيبتيها منين
انا عارف انك مخلصه على حمدى اول بأول
تهانى : دا رزق وجالى وبدأت تقص عليه ما حدث …
علاء : بقي البت المفعوصه دى يجى من وراها الفلوس دى كلها …طب هى فين وعند مين
تهانى : يا أخى وانا يهمنى فى ايه انا ما صدقت أنها غارت من وشي …
علاء : الموضوع دا وراه سر يا تهانى …ولازم نعرفه
تهانى : يوووه يا علاء انت عايز تضيع فرحتنا وخلاص …بقولك خبي الشنطه دى عندك مش عايزة حمدى يعرف بوجودها ..وانا هرجع قبل ما يصحى ويحس بغيابي…
علاء : ماشي يا تهانى بس خلى بالك …اللى حصل زمان ايام ما كنتى سكرتيرة صغيرة لا راحت ولا جات عند حمدى
…..ودبرتى وخططتى محدش عرف بيه خايف
حاجه زى دى تتقلب عليكى وتفتح الجديد والقديم …من تانى
تهانى : يووووه بقي يا علاء ديما كدا متشائم اش حال أن كنا اخوات ومن بطن واحدة …خليك معايا وانت تكسب ..بص لنفسك عيشت سنين كتيرة فى الغربه ..وفى الاخر رجعت ايد ورا وايد اودام
علاء : بتعايرينى يا تهانى