كملت بين شهقاتها:
مابقتش عارفاك عشان اكده هربت خوفت منك صعب قوي اما الأمان اللي بتحس بيه مع شخص يتحول خوف
كان خوف واعر اكتشفت ان اي مقارنة مع الفلوس في الدنيا دي الفلوس تكسبها…
شدت فيه بعصبية :
بس انت هملتني قبل ما تصلح اللي عملته قبل ما تصالحني وتاخدني في حضنك قبل ما اخبرك اني ماحبيتش في حياتي قدك وماهحبش حد غيرك قبل ما اخبرك ان اللي كنت بعمله ده تمثيل
_طيب ما كان من الأول لازم وجع القلب ده
كانت كافيه وشها وبتعيط رفعت وشها بصدمة لقته مبتسم..
نوح وهو بيضحك:
صحيح صنف نمرود مايجيش الا بالعين الحمرا
قمر وقفت بعصبية:
يعني كنت بتمثل كل ده !
نوح: كيف ما عملتي يابت عمي دا انتي نشفتي ريقي وطلعتي عيني مش كفاية بقا لازم اموت عشان تحني !..
قمر : انت ..انت …انت …
نوح بضحك:
ماتحن يا چن انا مستنظر
قمر: وه !
نوح: قلبي من الركنة بقا مجنزر ياما نفسي اشوفك بالأبيض والله هايكون احسن منظر
قمر بعصبية: انت مستفز
نوح : يعني انتي زعلانة اني عايش طيب يارب اموت عشان ترتاحي
قمر: لاااه
نوح بضحك: انا رشيت نص المستشفي دي عشانك …
_________________________
بره الأوضة كانت بثينة ساندة ضهرها علي الحيطة .وبتعيط.
بثينة بتفكير: مت يانوح معقول كنت بدعي ربنا تكون من نصيبي وعارفة ان ده مستحيل بس كانت كفاية عليا طلتك وشوفتك خبيت السر في نفسي عشان خابرة انك بتحب قمر وهي بتحبك نصيبك يا قلبي تفضل متعذب العمر…
ناصر كان بيبص عليها ومستغرب …
ناصر قعد جمبها:
وحدي الله كلنا لها يمكن يكون عليكي الدور وماخبراش مثلا !
بصت له ورفعت حاجبها ..
ناصر: عارفك حسيسة اوي انا بحاول اخرجك من المود ماتخديش كلامي علي محمل الجد ولا الجدة اههههههه
بثينة :ايه البرود ده ..
ناصر: عاوزة مني ايه يعني اقعد اولول كيف الحريم اصل انا الحب مش مولع بيني وبينه في الدرة كيف ناس
بثينة: قصدك ايه ؟!
ناصر بص لها بتركيز :
ولا حاجة !
طلعت قمر من الاوضة بتضحك….
ناصر: يا حبيبتي ماكانش يومك اياك تكوني اتجنيتي من الصدمة
قمر:انت عاتقول ايه نوح ماماتش
ناصر حط ايده علي دماغه:
يبقي اتجنيتي صوح ماكانش يومك يا غاليه يا رزينة ..
الباب بيتفتح وبيطلع نوح
ناصر بيتجعز وبيتكلم بخوف:
سلام قول من رب رحيم سلام قول من رب رحيم لا تئذيني ولا اذيك
بثينة وقفت بصدمة…
نوح: ولا تئذيني دا انت اكتر واحد اذيتني
ناصر: قلبك اسود حتي وانت ميت يااااه عالسواد اهئ اهئ هاتطلعه عليا صوح طب يارب تدخل النار يارب
نوح: يامتخلف انا عايش
ناصر: طب اثبت لي
نوح بيقرب من ناصر وبيرزعه قلم …طاااااخ
نوح: اقتنعت
ناصر: اه واطرشيت منك لله اهئ اهئ انت ليه بتعمل فيا اكده دا انا بحبك ..
قربت بثينة من نوح فجأة وحضنته …
وقمر وناصر مستغربين ونوح مصدوم…
بعدت عنه فجأة وهي متوترة:
انا اسفة بس انا انا…كنت ….كنت…
ناصر: هي حسيسة اوي بسبس دي المهم يعني ايه اللي حوصل كنت بتمثل علينا
نوح: تقدر تقول اكده
ناصر بضحك: اه يا لئيم بس ليه تخلع قلوبنا عليك اكده دا انا كنت هانتحر ساعة ماعرفت حرام عليك ياشيخ دا انا قلبي اتكسر فرافيت لما عرفت !
نوح: صادق !
ضحكت قمر وهي بتبص علي بثينة اللي كانت واقفة وشها احمر ومتوترة..
كلم نوح حد في التليفون يجيب عربية …
__________________________
في العربية ..
بثينة كانت قاعدة وجمبها قمر ونوح وناصر جمب اللي بيسوق
نوح: شوف سبحان الله يا أخي كلنا مدشدشين وانت اللي سليم
ناصر: ياساتر يارب عليكم العين فلقت الحجر قولتلكم انا نيتي سليمة وقلبي ابيض عشان اكده ربنا مابيوقعنيش في ضيقة انت رجلك اتكسرت وقمر مناخيرها باين
رفعت قمر حاجبها..
ناصر : اصلها وارمة تقريبا ما علينا وبثينة دراعها يلا الحمد لله علي كل حال..
وصلوا قدام الفيلا وقعد السواق يزمر عشان البواب يفتح بس مافتحش
ناصر باستغراب :
بوي فين ياتري !!
نزل ناصر وفتح الباب ودخل علي اوضة ابوه بسرعة وهو قلقان و………
ولسه اللي جاي تقيل مع كاتبة الجيل😎
نشوف بقا الذاكرة عاملة ايه ..
انا قولت اسم ابو ناصر قبل كده ولا لأ
وامه عايشة ولا لأ
ومين اللي خطف ابو ناصر
وياتري كده مشاكل نوح وقمر خلصت ولا لسه !
يتبع….
وصلوا قدام الفيلا وقعد السواق يزمر عشان البواب يفتح بس مافتحش
ناصر باستغراب :
بوي فين ياتري !!
نزل ناصر وفتح الباب ودخل علي اوضة ابوه بسرعة وهو قلقان مالقاهوش ..
ناصر: ياتري انت فين يابوي ممكن البيه يكون بعته مشوار
ولا حاجة انا هاروح أسأله بس قلبي مش مطمن
_______________________________
بيدخل نوح من باب البيت وهو ماسك ايد قمر بيلاقي جده وهدان قاعد وساند علي عصايته
بتبص قمر عليه بخوف ..بيطمنها نوح وهو بيضغط علي ايدها وبيبتسم..
وهدان: جايبها في يدك ولا كأن اي حاجة حوصلت دا بدل ما تقتلها ونخلص من عارها الفاجرة..
قمر بدموع:
ليه ياجدي عملت ايه لكل ده انا عمري ماعصيت ربنا ولا هاعصيه
وهدان: مين اللي غواكي وخلاكي تهربي وياه يا فاجرة
قمر بدموع:
كفاية بقا انت ماتعرفش غير الظلم ، الظلم وبس يا جدي عاوز تبيعني وافضل قاعدة عاوز تعيد الزمن من تاني يا جدي ان كنت انت نسيت انا مانسيتش عاد
وهدان: وه انت هاتخربطي وتقولي ايه
قمر: عاخربط اقول ايه ياكش تكون فاكر ان ماعرفش حكاية أمي اللي اتظلمت وهيا مالهاش أي ذنب ..
جوزتوها لأبوي عشان تنهوا العدواة بين العيلتين مع انكم خابرين صوح انهم ماحبوش بعض واصل
حكمتوا عليهم بالعذاب طول العمر لاهي طالت اللي بتحبه وكانت مخطوبه له ولا ابوي طال اللي حبها من صغره لحد ما الهم طالهم بدري وخلص عليهم..
صوت سقفة بيبصوا عليها بيطلع عثمان ابو نوح ..
عثمان: وايه كمان يابنت خوي زيدي !
قمر بسخرية:
عارف يا عمي انت الوحيد اللي طول عمرك واخد حقك تالت ومتلت ياريت ابوي كان اتعلم منك كان يمكن فاته عايش لحد دلوك ..
عثمان: نيجي للمهم بقا جهزي نفسك هاتتجوزي ………………
بيقاطعه نوح:
مش هاينفع تتجوز وهي متجوزة يابوي
عثمان بصدمة:
واتجوزت مين ناصر الكلب
بيدخل ناصر في نفس الوقت وهو حاطط ايده في جلابيته…
ناصر: سلامو عليكوا كيفك ياحاج وهدان بوي فين
بيبص عليه وهدان وعثمان بعصبيةناصر بيبص لنوح وقمر وهو مستغرب..
عثمان بيطلع مسدسه:
سهلة تبقي ارمله واربع شهور وتتجوز !
بيوجه مسدسه ناحية ناصر…
ناصر: امممممم ..يا سنة سوخة يا ولاد…
بيجري ناصر يقف ورا نوح ..
عثمان: اطلع من وراه يا جبان
ناصر بيبص من ورا نوح:
مش طالع
نوح: لو عاوز قمر تبقي ارملة يبقي تقتلني انا يا بوي !
عثمان: قصدك ايه !
نوح: قصدي ان قمر دلوك مرتي ..
بيقعد عثمان من الصدمة ووهدان بيوقع عكازه…
عثمان: اه ياغبي طول عمرك غبي ! ضيعتنا كلنا منك لله.
وهدان: جوازك من قمر باطل !
بيبص له عثمان وقمر ونوح وهما مستغربين ..
نوح: انا متجوزها علي سنة الله ورسوله
وهدان: قمر انا جوزتها لعمران بيه وكنت وكيلها
نوح وقمر وناصر بصوا له بصدمة…
نوح: انت كيف كييييف…
قمر قعدت علي الأرض تعيط:
ليه اكده يا چدي لييييه