بثينة : ايه انتي جون سينا هاتقدري علي اللي جوه وحديكي
قمر: ما انتي معايا وه!
بثينة: اه ندخلهم ونقولهم احنا چينا برجلينا اهو صيدة سهلة!
قمر: وه اومال هانعملوا ايه إياك !
بثينة: انا جاية من الصعيد وسايبة حالي ومحتالي عشان واحدة غبية كيفك قالتلي الحقيني نلحقوا واخد اغبي ! اكيد هانكلموا البوليس!
قمر: بس انا خايفة يعملوا فيه حاجة !
بثينة بضحك: يبقي نصيبه بقا هوا اكده مرزق
_________________________
الدكتور قرب من ناصر وفي ايده الحقنة..
ناصر بخوف: بلاش حقن بلاش ارجوك انا بخاف منها قوي عاااااا
البنت قربت من ناصر ومسكت ايده :
بلييز
ناصر: وه يا كارستين خايفة عليا للدرچة دي ده انا عشانك شاشي شاشي اعدي البحر ولا اتبلاشي اههههههه صوح انتي اسمك ايه ؟!
خد ناصر الحقنة وهو بيبص للبنت اللي سماها لانه مش فاهم منها اي حاجة .
وفجأة بدأ يدوخ:
اااه اثار الحب بدأت تبان عليا هو اكده الحب كافر يا ولاد الحقوني…الحقيني يا كارستين …
وفجأة اغمي عليه ..ضحكت البنت وهي بتبص للدكتور:
شوف شغلك !
مسك الدكتور المشرط في نفس الوقت دخلت الشرطة ..
وقمر وبثينة معاهم رفع الدكتور والبنت ايدهم …
جرت قمر تتطمن علي ناصر بخوف..
قمر بصت عليهم بعصبية:
انتوا عملتوا فيه ايه ؟!
الدكتور: احنا لسه ماعملناش لسه هانعمل..
مسكهم الظابط ومعاه العساكر وشكروا قمر انها قدرت تساعدهم في القبض عليهم وساعدهم العساكر انهم يدخلوه العربية بعد ما اتطمنوا انه متخدر….
ساقت بثينة العربية وهي بتضحك ولاحظتها قمر
قمر: في ايه يا بثينة ..
بثينة: لاحظتي القلق اللي كنتي فيه
قمر: ما طبيعي اقلق عليه واحد مافكرش في اي حاجة وساعدني ومافكرش في نفسه ولا خاف لو كان واحد مكانة كان فكر قبل ما يهوب ناحية نوح او كان باع عشان شوية فلوس.
بثينة: يعني ده السبب بس
قمر: اكيد وهايكون ايه غيره ..
فجأة عربيتين حاوطوا عربية بثينة وماعدتش عارفة تتحرك ..
ونزل منها رجالة بسلاح وقمر وبثينة بصوتوا لحد ما ضربوهم علي راسهم فقدوا الوعي …
_________________________
ناصر بيكون واقف قدام قمر.
ناصر: اييييييييه هنا سأسكت قليلا احتراما وتقديرا لهذا الجمال
قمر: انت مين !
ناصر: وه ماعتعرفنيش اياك يا قطة انا أقولك انا ناصر راي سينغو تاجر مخدرات تلاقي تاجر اثار تاجر الماظ ومالقتش جوهرة احلي منك اسرقها
قمر: انت مجنون
ناصر: مجنون بحبك …
مسكها من ايدها وراح ناحية اوضة مليانة صور ليها ….
ناصر: انا المجنون في حبك مش لاقي دوا انا اللي النظرة في عيونك تخلي قلبي يرتوي انا الهوا !
قمر حاولت تهرب وتجري منه مسكها بقوة وضرب ايديه في الحيطة وقعد يكسر كل حاجة حواليه
في نفس الوقت قمر وبثينة فاقوا لاقوهم متربطين وناصر جمبهم ومافيش حد…
قمر: احنا فيين ومين اللي خطفنا .
لاحظوا تشنجات ناصر والأصوات اللي بيطلعها …
وفي نفس الوقت ناصر بيكسر كل حاجة حوالية:
افهمي بقا انتي ملكي ملكي انا وبس
قمر: مش بحبك انا بحب نوح
فتح ستارة بالريمود وكان فيها نوح متربط علي كرسي..
ضحك ناصر بشر:
بتحبي ده وانا هامحيه من علي وش الدنيا
طلع مسدسه وهو بيفرغ طلقاته في نوح وبيضحك..
ناصر: بيو بيو بيو بيو موت بقا بيو بيو بيو هاهاهاهاها انا الكبير !
قمر: ماله ده فيه ايه
بثينة بضحك: هههههه يظهر بيقتل في الحلم ماشوفتيش بيو بيو بيو دي !
قمر: ناااااصر فووووووق نااااااصر ..
بدأ يفتح عينيه :
ايييه…
بص حواليه وبص لهم:
يخربيت الهندي واللي يتابعه بتصحيني لييييه منك لله دا كان حلم چميييل دا انا كنت فيه مدمر !
قمر: حلم ايه انت داري بالوضع اللي احنا فيه
بثينة: هههه هو داري بنفسه
بص ناصر ليها بعصبية:
ايه العسل ده !
بثينة : من عند أمك !
ناصر تجاهلها وبص حواليه:
وه احنا فين انا اخر حاجة فاكرها ان كارستين بتعملي تحاليل تتطمن علي صحتي
بثينة: هههههه تحاليل
ناصر: ايوه يا ظريفة
قمر: كارستين بتاعتك كانت بتخدرك عشان تسرق اعضائك
ناصر بصدمة: نهين ؟!
قمر : اعضائك
ناصر: حتي ده مستخسرينه فيا يا ولاد الكلب
قمر بضحك: كل اعضائك مش حاجة واحدة
ناصر: يعني كانوا هايشفوني كيف الجاموسة !
بثينة: بالظبط.
ناصر: طب احنا فين دلوك مين اللي عمل فينا اكده ..
_ انا…
بصوا علي مصدر الصوت لقوه نوح ….
ناصر: يا وقعة مربربة دا بينه هايبقي مرار طافح
نوح : اصبر علي رزقك هو انت لسه شوفت حاجة !
ناصر: صابر طول عمري
قمر: مش ناوي تهملنا لحالنا ياشيخ
نوح شد كرسي وقعد عليه ….
نوح: اكده كفاية وكل اللي الكلب ده عملوا هاطلعوا علي جتته
ناصر : انا مش مطمن !
نوح : حقك ! حقك ما تطمنش واصل انا لو منك اخاف لاني ناوي اعمل فيك البدع
ناصر : دا بينها هاتبقي ليلة سوخة يا ولاد
بثينة: هو انت فاكر البلد مافيهاش قانون يحمينا منك
نوح: انا القانون
ناصر: ههههه فكرتني بمشهد الاستاذ المبدع احمد السقا في فيلم الجزيرة من النهاردة مافيش حكومة انا الحكومة انا الحكومة
نوح: اضحك شوية قبل ما تموت
ناصر بخوف: الأعمار بيد الله بقا
قمر بعصبية: انت فاكر نفسك مين ربنا وهاتتحكم في حياتنا انا مش خابرة كيف كنت احبك !
نوح طلع مسدسه ..وناصر وبثينة وقمر مصدومين
ناصر بخوف: السلاح يطول بالله عليك يا شيخ تستهدي بالله
فك نوح ناصر وناصر عمال يعيط:
يا صغير ومحير عالموت يا ناصر يا سوادك يا ناصر بالله عليك ياشيخ هملني اعيش ..
وقف نوح قدام ناصر وابتسم ابتسامة صفرا:
هاهملك تعيش بشرط
ناصر بفرحة : اشرط يا باشا الصعيد اكيد اغور من سحنتكم صوح
نوح: لاه عاوز تعيش تخلص عليهم
ناصر: بس اكده ده ….انت قولت ايه ؟!
نوح اداله المسدس:
زي ما سمعت تخلص عليهم
ناصر: قصدك بثينة يعني عادي
بثينة: طول عمرك واطي
نوح: لاه بثينة وقمر
قمر كانت مصدومة من اللي بتسمعه …
نوح: قدامك عشر دقايق تقرر هاتعمل ايه!
ناصر: انا مقرر قبليها ..
قمر ابتسمت بس اتصدمت لما سمعت كلام ناصر..
ناصر: انا اسف يا بنات بس العمر غالي وانا عندي حاجات كتير لسه ماعملتهاش
رفع مسدسه وهو حزين و…
يتبع….
قمر ابتسمت بس اتصدمت لما سمعت كلام ناصر..
ناصر: انا اسف يا بنات بس العمر غالي وانا عندي حاجات كتير لسه ماعملتهاش
رفع مسدسه وهو حزين وبعدين راح مصوبه فجأة ناحية نوح
ناصر: فاكرني اياك عاقتل قمر اه صحيح يمكن انا جبان حبتين انما مش ندل انا راچل قوي ..
نوح: اييه عاتقتلني!
ناصر: انت اللي وصلتنا لهنا اكده كفاية قوي مش راضي تهملنا في حالنا ليييه حرام عليك.
بص ناصر ل.قمر:
قمر عمرها ما كانت تستاهل منكم اكده كانت تستاهل اللي يعوضها عن اللي شافته …
استغل نوح انشغاله ومسك المسدس منه وضربه راح عن الوعي…
نوح: ههههههه غبي هاتفضل طول عمرك غبي !
قعد نوح علي الكرسي وبيبص لقمر…
نوح : عندي ليكي مفاجأة واعرة ..
قمر بصت له بعصبية وبعدت عينيها عنه ..
كان ناصر واقع علي الارض شاطه نوح برجله بعصبية ..
وبعد وقت صغير دخل واحد من رجالة نوح ومعاه واحد ..
نوح بابتسامة:
اتفضل اعرفكم استاذ ياسر
بصت قمر لبثينة باستغراب…
نوح كمل كلامه: المأذون اللي هايكتب كتابنا انا وانتي يا قمر..
قمر بصت له بصدمة لجمت لسانها…
المأذون فتح الدفتر ..
قمر: انا مش موافقة علي الجواز ده اكده باطل !
نوح اتجمدت ملامح وشه:
اكتب يا عمنا اكتب دا جلع بنات ..
قمر بعصبية:
انت ايييه افهم بقا انا مش عوزاك ..
نوح ببرود:
بس انا عاوزك !
قمر عينيها اتملت بالدموع وحست خلاص ان حياتها انتهت..
قمر بصت ل.نوح: مش مسامحاك يا نوح مش مسامحاك
نوح: هاتسمحيني وهاترجعي تحبيني تاني
قمر: لاه خلاص ده صعب قوي انا قلبي اتقسم نصين يوم ما اتخليت عني واللي بيتكسر صعب يتصلح صعب قوي ..
كان نوح واقف يسمع لها ..
غمضت عينيها ونزلت دموعها علي خدها بدون توقف لما سمعت ..
(بارك الله لكما وبارك عليكما وجمع بينكما في خير)
نوح: مبروك يا عروسة !
بثينة كانت بتبص لها بدموع وكأنها بتواسيها…
مشي المأذون وقرب نوح من قمر فكها
قمر: خلاص عملت اللي انت رايده من زمان لو مسيت شعره من ناصر او بثينة انا هاموت روحي معاهم
نوح بابتسامه:
اكده بس حاضر…
شاور لحد من رجالته يفك بثينة ومسكها وواحد تاني شال ناصر علي كتفه …
مسك نوح قمر من ايدها …
قمر بعصبية: بعد يدك عني
فضل ماسكها ومشي وهي مشت جمبه لحد ما وصلوا للعربية
في نفس الوقت ناصر فتح عينيه :
ايه ده انت قد الشيلة دي نزلني احسن