قربت منه قمر ولسه الابتسامة مش بتفارق وشه..
قمر: في حاچة مالك؟!
ناصر: لاه ولا حاجة ..
قمر: طيب قوم معايا ندوروا علي شقة قبل ما الدنيا تليل وطبعا انت فاهم انك ما تتسرعش وماتعملش اي حاجة
ناصر: ماشي ….
مشي ناصر مع قمر يسأل علي شقة …بس ما لقوش لحد ما الدنيا بقت بالليل فعلا وماعدوش عارفين هما فين وفي شارع مالوش ملامح ..
كان ماشي متبت فيها وماسك ايديها وخايف وبيتفزع كل ما يسمع صوت كلب
قمر: وه مالك استرجل !
ناصر: لاه انا راچل اوي عيب !
قمر: ماشي اما نشوف ..
نفخ ناصر صدره ومشي بثقة والشارع كان عتمة لحد ما شاف علي بعيد اتنين ضخام عضلات …
قربوا منهم ووقفوهم..
واحد منهم اتكلم:
جري ايه يا قمر ايه اللي مشيك وحدك الساعة دي
ناصر بخوف وصوت واطي:
يا ليلة سوخة هايخطفوها مني يا ليلة سوخة
جاب قمر ورا منه وطخن صوته:
جري ايه يا واد منك لييه بتعاكس خطيبتي وانا ماشي معاها لاه يا حبيبي دا انا ان خس جسمي كفاية اسمي!
_ومين قالك ان احنا بنعاكسها!
قفل ناصر جلابيته وضحك:
لاه انا راچل اوي دا بينه هايبقي مرار طافح يا ليلة سوخة رامبو …
قمر : احم احم طيب يا ناصر ربنا يكون في عونك يا خوي
مشت قمر بعيد خطوتين..
ناصر: قمر ما تهملنيش لحالي يا قمر قمااااار
لفوا حواليه وقمر واقفة بعيد ورا شجرة…
_ايه يا حلو
ناصر : الحلو بعد العشا يا خفيف ..
*يا جامد
ناصر: لاه انا جامد اوي اني جون سينا يا واد منك لييه انا صعيدي وابوي صعيدي واللي ابوه صعيدي ما يخافش واصل
بص ناصر حواليه بيفكر يعمل ايه ..
قعدوا يلفوا حواليه ويصقفوا:
ماتزوقيني يا ماما اوام يا ماما دا عريسي هايخدني بالسلامة يا ماما …
ناصر بضحك: سامعه سامعه يا ماما طويل اوي فستاني
ضربهم الاتنين بالشلوت وطلع يجري وقمر جرت وراه
ناصر: انتي كنتي واقفة تتفرجي ..
قمر: ايوه
ناصر بيبص وراه لقاهم بيجروا وراه:
يارب استرها عليا دا انا غلبان !
وفجأة بيخبط في واحد مغطي وشه وبيقع منه شنطة في نفس الوقت عربيات الشرطة بتكون بتلف في المنطقة..
بيقوم الراجل وبيجري وبيسيب الشنطة ولما الاتنين اللي بيجروا ورا ناصر بيشوفوا عربيات الشرطة بيهربوا
بيكمل ناصر جري ورا صاحب الشنطة..
ناصر : يا استاذ يا استاذ دي وقعت منيك
قمر: كفاية يا ناصر ماعتش قادرة اكمل
ناصر: دي امانة ولازم ترجع لصاحبها ..
فضلوا يجري وراه وهو رافع الجلابية بسنانه …
وقمر بتجري وراه:
الله يخربيتك قطعت نفسي يا شيخ مايغور هو والشنطة وقف وقف .
وقف ناصر:
وقفت عاوزة ايه انتم اكده الناس الأغنيا مابتحبوش تعملوا الخير واصل اباي عليكم وعلي اللي خلفوكم …
قمر: اقطم واقفل خشمك دلوك بقيت اكده ماشي. .
ناصر: اهيهييي ماتقعدي شوية. ..اخخخخخخخخ
قمر: بالك يا ناصر انا تعبت ومش قادرة أكمل
ناصر بص عليها باهتمام:
وه بعد كل الضحك اللي ضحكتيه ده ومهمومة ليييه
قمر: خايفة من حاچات كتير اولهم عليك عارفة ان نوح مش هايهملك في حالك وهيحاول يئذيك بكل الطرق وانت غلبان
قعد ناصر علي سور وحط الشنطة جمبه:
لاه انا مش غلبان انا في حالي وطيب وابن حلال
كمل بضحك:
بس اللي هايئذيني وياجي علي سكتي دا انا انا …ادعي عليه ليل ويا نهار لحد ما ربنا يجيب لي حقي من حبابي عينيه اههههههه
ضحكت قمر عليه ..
قمر باستغراب:
انت سامع الصوت ده
ناصر: اي صوت..
قمر: دا جاي من الشنطة اللي وياك افتحها وشوفها
ناصر: ايه ايه ايه ايه افتح الشنطة معقول دي امانة.
فجأة صوت تليفون بيرن في الشنطة بيفتح ناصر الشنطة ويطلعه …
قمر: فتحتها دلوك
ناصر: عشان ده هايوصلنا لصاحبها يا فذلوكة
قمر: معلوم !
رد ناصر : الووووووو مش سامعك …
_ماجتش في الميعاد ليه بتلعب بديلك طب اعرف ان امك واخواتك هايكونوا في عداد الموتي قولتلك ماتلعبش مع الكينج
قفل التليفون ونزل لطم…
قمر بخضة: في ايه في ايه ؟!
ناصر: بيقول هايموت امي واخواتي عشان ماروحتلهوشي يلا بسرعة الوقت بيعدي يلا نروح له
قام ناصر مشي بسرعة
قمر جرت وراه: استني يا ابو المفهموية
ناصر: ايييه
قمر: دلوك ده تليفونك
ناصر: لاه
قمر: دي شنطتك
ناصر: لاه
قمر: اللي كلمك يعرفك !
ناصر: لاه
قمر: طيب الحمد لله فهمت
ناصر: دا وقته دا وقت حديتك الماسخ ده بقولك هايخلص علي امي واخواتي
قمر: ااااه يا حزين المكالمة مش ليك لصاحب الشنطة
ناصر: اه يا لئيمة صوح صوح ! بس اكده امه واخواته بخطر
قمر: واحنا كمان بخطر !
ناصر: انا ماقدرش اشوف حد محتاج مساعدة ومساعدوش
بص حواليه بخوف من الشارع..
ناصر: تعالي نخرج من هنا الأول !
مشي ناصر مع قمر وفي ايدهم شنطهم …
قمر بصت علي بؤجته وضحكت:
ياااه لو كنت دخلت بيها الشقة كان فاتك ههههه
ناصر: عشان انا غلبان سيبتها بره الشقة ربنا دايما ساترني ! والحمد لله ما اتعمليش محضر يلوث سمعتي !
فجأة عربيات سودا بتيجي عليهم وبتحاوطهم…
ناصر: دا بينه هايبقي مرار طافح ! ارمحي يابت !
طلع يجري زي عادته وقمر وراه والعربيات وواحد طلع منها وطلع مسدس وضرب طلقة و…..
يتبع….
فجأة عربيات سودا بتيجي عليهم وبتحاوطهم…
ناصر: دا بينه هايبقي مرار طافح ! ارمحي يابت !
طلع يجري زي عادته وقمر وراه والعربيات وواحد طلع منها وطلع مسدس وضرب طلقة ..
ناصر نط من الخضة والشنطة وقعت منه وكي يجيبها لقا الطلقة التانية جمب رجله ساب الشنطة وكمل جري …
ناصر: فييييه ايه نخرج من نقرة لضحضيرة والله عال والله اتبهدلت يا ناصر
قمر: انا كنت فاكرة زمان انك نحس يا ناصر
ناصر: ودلوك
قمر بصوت عال: اتوكدت! هانموت شهدا يا ناااااصر
في نفس اللحظة الشنطة بتنفجر في العربيات وناصر وقمر بيطيروا من شدة الانفجار …..
قمر : يا بووووووي
ناصر: يااااارب دخلني الجناااااااه
وقعوا علي الارض وناصر مسك دراعه اللي وقع عليه اللي كان اخد فيه الطلقة ولسه مارقش 100%
بص علي قمر :
انتي كويسة..
اتعدلت قمر وبصت عليه:
الحمد لله ايه مالك فيك ايه
ناصر: لاه مافيش
بصوا علي العربيات اللي كانت لسه مولعة فيها النار والناس بدأت تتلم اللي في البيتين تلاتة اللي في الشارع ..
قام ناصر وقمر نفضوا هدومهم ومشوا يعرجوا واخدوا حاجتهم…
قمر : الشنطة اللي كنت متبت فيها طلعت قنبلة يا ناصر
ناصر: اه الحمد لله قدر ولطف
قمر: مش عارفه غبائك ده هايودينا فين لسه يا ناصر
ناصر: غبائي ولا انتي اللي نحس شكلك
قمر وقفت وفتحت بوقها:
انا اللي نحس !
ناصر: ايوه نحس جاتكي خيبة كنتي اتجوزي الراجل المليونير وريحينا ماقالولك سنة ولا اتنين ويفيص وبعدين عاودي دوسي علي رقبة التخين فيهم ما اصل الفلوس بتقوي !
قمر: زعلان اوي اكده روح اتجوزه انت
ناصر: ياريت ! حد يقول للجلع لاه انا لو لقيت واحدة الصبح تتجوزني وتصرف عليا انا موافق
قمر: وهاتبقي قدام نفسك مرتاح اما تبقي جوز الست
ناصر: طول ما جيبي عمران ومطمن علي حسباتي في البنك هاكون مرتاح انتي بس فاهمة الدنيا غلط مستوك انما انا فاهمها صوح كوركت !
مشت قمر وهو جمبها لحد ما وصلوا لمكان فيه استراحة وكنبة .
ناصر: انا تعبت نقعدوا نرتاح شوية بقا وانتي لو عاوزة تأيلي علي الكنبة ديي نامي ماتقلقيش …..
قمر: هاقلق ليه وانا معايا سبع رجال في بعض غضنفر
ناصر بابتسامة:
لولا اني واثق في قدراتي كنت قولت انك بتتمقلتي عليا !
قمر: معلوم طبعا واثق اوي !
قعدت قمر وشنطتها جمبها وسندت علي الكنبة بايديها وريحت دماغها وهي بتبص علي ناصر اللي حط بؤجته ونام عليها وهو باصص ناحية الشارع
ناصر بابتسامة من غير ما يبص لها :
تصبحي علي خير يا قمر
قمر: وانت من اهله تصبح علي خير
ناصر بصوت واطي:
وانتي من اهلي …
_____________________________
نااااااصر نااااااصر ….
بيصحي ناصر وبيبص حواليه قاعد في فيلا بيقوم وبيلاحظ مراية بيبص لنفسه في المراية .
ناصر: وه يا سنة سوخة يا ولاد مين مز المزازيز ده
كان شاب طول بعرض بارتفاع شعره سايح بني وعينه خضرا..
ناصر: انت مين انت جن اعوذ بالله من الشيطان الرجيم بعد عني يخربيتك انا غلبان بالله😢 ايه دي معقول اكده انت بتتحرك زيي لييييه !
رفع ايده يمين وشمال وحط ايده علي شعره وفتح بوقه :
ده اني ده اني فيين ناصر طب بالذمة معقول الشكل دهون يكون اسمه ناصر ده مهند لؤي غيث !
قرب ناحية الكوميدينو لما لفت نظره خاتم راح لبسه ..
مشي ايده عليه طلع منه شعاع خلاه يتفزع …
وفجأة ظهرت بنت جميلة عالسرير.
رجع لورا بخوف:
اعوذ بالله من الشيطان الرجيم اعوذ بالله لا تؤذيني ولا اؤذيكي ..
_ما تخفش انا مش هأذيك بالعكس انا خدامتك الخاتم اللي انت لابسه ده هبة كبيرة
ناصر: انا مالي ان كان هبة ولا وفاء انت ميين
_الخاتم ده سحري بيحول اي حاجة تشاور عليها لبنت جميلة
ابتسم ناصر وبص لها وبعدين بص علي المراية ..
وفي نفس الوقت اتحولت لبنت جميلة. ..
ضحك ناصر ومشي يحول اي حاجة لبنات حتي الكوباية ما سلمتش منه…
_وبعدين !
ناصر: وبعدين ايه
_محول اكتر من 70 بنت هاتتجوزهم ازاي كلهم
ناصر بصدمة: وهو انا لازم اتجوزهم لاه هههه انا صحتي علي قدي انا مش بتاع جواز
*يبقي هاتتعاقب
_والعقاب هايكون عسير
اتلم البنات عليه وهو خايف وكل واحدة بتشد في دراع ورجل وكانوا هايقطعوه
دخلت قمر وهي ماسكة البندقية ولابسة لبس صعيدي:
بعدي عنيه يا بت منك ليها
بعد البنات عنه وجري ناصر عليها وهو بيعيط
والبنات وراه ..
جرت قمر ومعاها ناصر لحد ما وصلوا لطبق مكرونة بالكبدة وركبوه وساقته قمر وهربت منهم وفي نفس الوقت ناصر كان بيأزز في المكرونة لحد ما شرق ..
صحي ناصر وهو بيكح وبيبص حواليه وبيكتشف انه حلم ..
ناصر زعل انه رجع لشكله :
ياااه مش كان فاتني لؤي دلوك اعمل ايه في احلامي الغريبة دي انا كنت راكب في طبق مكرونة بالكبدة معقول يخرب بيتك يا عقلي الباطل …
بص ناصر علي قمر اللي كانت نايمة وابتسم
كان لسه حاجة بسيطة والنهار يطلع …
اتسند علي الكنبة وهو بيبص للسما وبيفتكر الحلم :
غبي كنت اتجوزهم حد طايل حتي في الأحلام غبي !
بس دخلتها كانت جامدة صوح دي ساقت الطبق ولا اجدعها سواقة ! في الصباح …
صحت قمر لما الشمس ضايقتها..
قامت تتاوب وتبص حواليها مالقتش ناصر بس بؤجته موجودة …
قمر : راح فين ده ! ..وه يكون نوح عمل فيه حاچة ! بس نوح مش هايعوزه لوحده..
في نفس الوقت ناصر بيكون واقف علي عربية فول وطالع فوق الناس لحد ما اخد طبق فول وطعمية وعيش وبصل …
لقا واحدة اجنبية مشي وراها يغني:
مصر بلدنا بلد سواح فيها الأچانب تتسوح …
شافته قمر علي بعيد وقفت تضرب كف في كف
لفت البنت ليه وابتسمت وطلعت بخاخة ورشتها علي وشه ….
ناصر بضحك واحول قبل ما يغمي عليه:
ماما نحلة عشان تجيب ال………….واغمي عليه .
عربية سودا جت وقمر ساعة ما شافت كده طلعت تجري عليه ..
بس قبل ما توصل ركبوه في العربية ومشوا …
فضلت قمر تجري ورا العربية لحد ما شافت توك توك ركبته وقالت له يمشي وراه..
قمر بخوف:
ياتري دي تبع مين نوح ولا صاحب الشنطة ولا حد تالت منحوس من يومك يا ولد عمي منحوووووس..
فضلت العربية ماشية وقمر وراها وخايفة وقلقانة …
لحد ماوقفت قدام بيت قديم
التوك توك وقف بعيد عنهم شوية..
نزلت منه قمر ومشي…واستخبت ورا عربية وهي بتراقبهم..
نزلت الأجنبية والسواق واتنين رجالة شايلين ناصر اللي كان متخدر ودخلوه البيت ..
قمر : اعمل ايه انا دلوك دلني يارب ادخل وراه لاه اكده مش هاعرف اساعده هو انا فاندام عشان اقدر علي كل دول اكلم بثينة صحبتي لاه بردك مش نافع انا اعرف دول مين وعاوزين منه ايه عاود تكون عصابة اعضاء ولا مخدرات ولا
هباب ازرق علي دماغهم ودماغ اللي خلفوهم …
ادي اخرة قلة الحيا عشان يبقي يمشي يغازل البنات اوي ..
بصت قمر علي البيت وكأنها بتحاول تحفظ شكله وبعدين مشت…
فاق ناصر بمية بتتكب عليه فتح عينيه لقا البت الأجنبية قدامه
ناصر بابتسامة: اكيد انا موت وروحت الجنة وانتي من الحور العين يا عسل صوح ..
ضحكت البنت وقومته من غير ما تتكلم وخدته علي اوضة مجهزة بأجهزة طبية..
ناصر بص لها وابتسم :
يااااااه صحيح الدنيا لسه بخير عاتعملي لي تحليل شامل متكامل تتطمني بيه علي صحتي
البنت ردت بابتسامة :
Yes, of course, what is your name?
ناصر: ها….ايم فايم ثانكيو! ….
يتبع….
ضحكت البنت وقومته من غير ما تتكلم وخدته علي اوضة مجهزة بأجهزة طبية..
ناصر بص لها وابتسم :
يااااااه صحيح الدنيا لسه بخير عاتعملي لي تحليل شامل متكامل تتطمني بيه علي صحتي ياااااه انا خلاص لقيت الطبطبة بعد الضرب بالمركوب
البنت ردت بابتسامة :
Yes, of course, what is your name
?
ناصر: ها….ايم فايم ثانكيو! ….اههيهيهيهي ! لاه مايغركيش الچلابية انا معايا لغات أچنبية والنبي انافس محمد رمضان
ضحكت البنت وهي بتتكلم مع حد من اللي واقفين وناصر واقف يضحك وهما بياخدوا منه دم
ناصر: ااااه عاملني بحنية ده مامي الحاچة تعبت فيا .
بعد ما خلصوا الدكتور عمل له بايده:
بيرفكت!
ناصر: ما اكيد بيرفكت ولو انا مش بيرفكت مين عايبقي برفكت يعني نوح مثلا اهيهيهيهي
____________________
كانت واقفة قمر وبثينة بره …
قمر : يلا ننقذه ..بسرعة دا عبيط يغرق في شبر مايه
مشت قمر بسرعة ولكن بثينة وقفتها من ايدها
قمر:ايه ؟!