نوح: كانك اياك ما تعرفشي ليه عشان رايدها وبحبها يا بوي
ابتسم عثمان:
بتحبها..
نوح: ايوه بحبها !
عثمان بخبث:
بتحبها أكتر ولا بتحب مليون جنية!
نوح: بحبها
عثمان:
بتحبها اكتر ولا بتحب 10 مليون جنيه !
نوح :
…….بحبها
عثمان:
طيب بتحبها أكتر ولا بتحب 20 مليون جنيه
نوح:
______________________________
مسكت قمر صورة ابوها وكانت بتعيط ..
قمر: اعمل ايه يا ابوي اروح فين واجي منين في مصيبتي دي سبتني باكر جوي كنت عيلة 10 سنين يوميها كنت في دوامة رغم صغري لكني كنت حاسه بوجع في قلبي بيقطع فيه ميت حتة ومن يومها ما دقتش طعم الفرحة !
عندي دلوك 22 سنة خلصت جامعتي وحبيت ولد عمي وهوا كان مفهمني كده بس اتصدمت لما لقيته بنفسه بيطلب مني اتجوز غيره ..
ااااااااه يا قلبي !
نامت وهيا حاضنه الصورة ودموعها بتنزل علي المخدة
________________________
كان نوح قاعد مع أصحابه وقدامهم نار…
_وعاتعمل ايه دلوك
نوح: هاعمل ايه يعني
_يعني هاتقبل الفلوس
*هوا لو ما اخدهاش واستغل الفرصة يبقي عبيط الصراحة دول عشرين مليون جنيه
كانوا بيشربوا لحد ما سكروا…
قام نوح وقف وهو بيتطوح:
لأ انا بحبها دي هاتبقي بتاعتي أنا وبس مش هوافق
_طب ما انت ممكن تخليها بتاعتك وتاخد الفلوس بردك
رفع حاجبه وهو سكران:
كيف عاد؟!
*هههههه هو الراجل عاوز ايه من الست طفي لهيبك يا صاحبك واللي يتجوزها يتجوزها بقا وما تكونش خسرت حاجة
_هههههه عنتيل
نوح: انتوا عاتقولوا ايه اتجنيتوا اياك
مشي وسابهم وروح وهوا بيتطمطوح لحد ما وصل البيت وكان بيفكر في كلامهم
دخل اوضته ومسك صورتها:
قمر اسم علي مسمي
قام وراح علي اوضتها وفتح الباب بالراحة وبص عليها لقاها نايمة ورجلها مكشوفة
قرب وقعد علي السرير جمبها وحسس علي رجلها
قامت مفزوعه وغطت نفسها
قمر: في ايه يا نوح
ابتسم وهو بيبص لها
قمر: انت سكران اطلع بره انت عاوز ايه ؟!
نوح: عاوزك يا قمر رايدك دلوك
فتح عينها بصدمة:
انت اتجنيت وه
هجم عليها وهي بتصوت كتم بوقها وبتحاول بكل قوتها تبعده عنها …
وفجأة بتسمع صوت وبتلاقيه واقع فوقها بتزقه وبتلاقي الدم بينزل من دماغه
بتقوم بصدمة بتلاقيه واقف مصدوم وفي ايده فاظه ..
قمر: ناصر انت هببت ايه
ناصر:
مش اني مش اني دي يدي دي اللي عاوزة القطع عااااا
ناصر كان بيترعش وبيبص عليه :
انا قتلته انا قاتل قاتل عااااااااا
قربت منه :
اهدي بس ما تخافش !
قعد ناصر يعيط :
انا مستقبلي اتدمر انا خلاص بح مافيش انا هاتعدم عاااااااا
حطت ايدها علي بوقه:
اهدي بس بدل ما يطلعوا ورجالة عمي يقطعونا قطيع ..
ناصر:
انا اخري ولد الجنايني انما انتي بتهم مش هايعملوا فيكي حاجة كان لازم المروءه والشهامة دي اهو روحت فطيس يا ناصر
مسكت قمر دماغها وهي بتمسح عرقها …
قربت من نوح وشافته بيتنفس والجرح مش كبير
قمر: ما تقلقش عايش
ناصر: عااااا ما دا انيل مش هايسبني في حالي دا براوي ومش بيسيب حقه منك لله منك لله
قمر: وه انا عملت ايه عاد !
ناصر: مصيبة مصيبة مش حاسه ولا خابرة يعني كان لازم تكوني حلوة اكده بالطريقة دي
لحظات من السكوت …
ناصر: مش قصدي بس انتي فتنة متحركة يعني
قمر: سيبك من الحديت الماسخ ده دلوك احنا لازم نهربوا قبل ما يفوق وتقول علي نفسك يا رحمن يا رحيم اتدلي بسرعة ولم خلجاتك وانا عشر دقايق واكون مستنياك قدام الدوار ..
ناصر كان بيبص علي نوح وبيعيط
قمر: مش وقت نواح يلا هم
بينزل ناصر وهو بيكلم نفسه:
وجه اليوم اللي عاتهرب فيه وتعيش مطارد وخايف وعليك طار دول هايسحلوك ولا يسموش يا نا ياناصر يا زينة شباب الكفر والقري المجاورة ..
بتاخد قمر شنطة صغيرة فيها شوية هدوم وفلوس وورق مهم وبتلاحظ ان نوح بدأ يفوق بتنزل تجري…
بتقابل ناصر اللي واقف يتلفت يمين وشمال وبياكل في ضوافره بتحط ايدها علي كتفه بيصرخ :
ما قتلتوش دي قمر !
قمر : وه ايه الندالة دي راجل صوح
ناصر: والنبي تسبيني في حالي
قمر: بلاه حديت دلوك هم بسرعه ..
بيمشوا خطوتين وبيسمعوا ضرب نار
بيقف ناصر وبيرفع ايديه لفوق بخوف:
انا برييييييييئ
قمر بتلف بخوف وناصر…
ناصر: يا ليلة سوخة!
يتبع….
قمر بتلف بخوف وناصر…
ناصر: يا ليلة سوخة! نننننننوح
بيكون نوح واقف ومعاه مسدس
نوح : عاوزه تُهربي وتجيبي لنا العار يا بت عمي
قمر: العار ده هو انت يا نوح اياك تكون نسيت عملت ايه من شوية
نوح بيقرب منها وهو بيتمطوح وبيمسك ايده فابتضربه في رجله ..
بيتعصب نوح وناصر واقف بيتابع وبياكل في سنانه ….
قمر بتخاف منه ومن شكله بتقف ورا ناصر
ناصر: اهدي يا نوح بيه السلاح يطول ويعور
وبعدين بص لقمر وكان هاين عليه يعيط:
انتي وقفتي ورايا لييييييه لييييييه
قمر بتبلع ريقها:
انا لما اتجوز رايده اتچوز راجل يبقي كلمته من دماغه مش ابوه والفلوس يغيروا كلمته ولقيته خلاص
ناصر بص لها وهي وراه …
نوح بعصبية: ومين ده بقا ان شاء الله
قمر بابتسامة: ناصر راچل وسيد الرچالة
ناصر : الله يعزك اييييييه بتقولي ايييييه
بص ناصر لنوح:
هههههه دي بتخترف الصدمة لحست مخها بقي هيا تسيب سيد كبرات البلد وتبص لشحات زيي اهييييييي
قمر: ليه اكده ياناصر مسير كل حاجة تنعرف
وقفت جمبه ومسكت ايده:
لو ما اتجوزتكش وكنت راجلي مش هاتجوز حد غيرك ولا هاتمد جمبه علي سرير وه دا انت في القلب وحدك واموت اشرف ليا
ناصر: ياسنة سوخة الكلام ده ليا
نوح بعصبية: يبقي تموتي
رفع مسدسه وقمر وقفت ورا ناصر بسرعه الطلقة جت فيه
ناصر بدموع والم:
خبرتك ما توقفيش ورايا منك لله منكم لله
وفجأة عربية بتيجي تخبط نوح بيطير في الهوا
وبتفتح الباب بتركب قمر بسرعة ومعاها ناصر اللي كان مش مصدق اللي بيحصل له
قمر: اهدي يا ناصر
بصت قمر للي سايق :
مش عارفه اشكرك كيف يا بثينة ربنا مايحرمني منك عز الصاحبة والرفيقة
ناصر : هههههه بثينة بسة دي اهيييييي
بثينة: انت اتجنيتي يا بت احنا اخوات يعني اعرف انك في ضيقة وماجيش والعيش والملح اللي بينا انتي اختي وربنا يعلم
قمر: خابرة بس احكيلي عربية مين دي وكيف جيبتيها ومن ميته وانتي بتعرفي تسوقي يا عفريته
بثينة: دي عربية أبوي بس هوا مسافر ولما كلمتيني في التلفون رمحت رمح ومن ستر ربنا ان اخوي لسه ماعاودش من بره
ناصر: اااااااااااه كنت حاسس اني هاموت صغير يا صغير علي الموت يا ناصر كنت شاكك كنت شاكك لكني كنت متأكد اعاااا
قمر:دراعه بينزف هانعملوا ايه ودينا المستشفي
بثينة: مستشفي ايه يا حزينة ونوح !
ناصر: انا في الهوا شارد لازاد ولا مية والشوق اليك قايد سهرني لياليا
بثينة: وايه ده كمان !
حطت قمر ايدها علي دماغه:
ده سخن الموضوع كده بقي خطر
ناصر: أحمر وعلي السكين يا بطيخ أحمر وجميل وشارب من مية النيل يا بصل!
بثينة : انا اعرف حد ممكن يساعدنا
قمر: مين تقصدي ؟!
بثينة: ايوه دكتور حسن انا هاكلمه…
بتمسك بثينة تليفونها وقمر قلقانة وبتبص لناصر اللي كان بيبص ليها وهو مبتسم..
_____________________
نوح بيقوم من علي الأرض وماسك راسه ودايخ وشايل دراعه
نوح بعصبية: مين ولد المركوب اللي جرأته جابته وعمل اكده فيا انا نوح القاسم كل اللي عمله في كفه واللي عملته قمر في كفة تانية وطابة بقي بتحب ناصر الكلب ده انا هامحي ناصر من علي وش الأرض
اتألم من دراعه وهو بيفتكر انه ناصر خد لقطة في دراعه فركب عربيته بسرعه
نوح: اكيد هما دلوك في المستشفي ان ما وريتكم مابقاش انا نوح القاسم
__________________________
ناصر: جاموسة راحت تقابل جاموسة ياعيني اااااه جاموسة راحت تقابل جاموسة ياعيني مالقتهاش جاموسة ياليلي لقتها بقرة يا عيني يا ليل
قمر كانت بتبص عليه بقلق وبصت للدكتور :
هو هايبقي كويس يا دكتور حسن
حسن: ماتقلقيش يا قمر ده بس عشان واخد بنج نصفي وسخن بس وبعدين هو خايف او حاجة
بدأ الدكتور يشوف شغله وبيحاول يطلع الرصاصة بأدوات سخنة
ناصر: ااااح كده لسعتني يا دكتور انا واخد علي خاطري منك
حسن: ههههه ماتزعلش
ناصر:يعيني علي الجمايس لما تتقابل ياعيني وطلعت يامحلا نورها شمس الشموسة يلا بينا نلحق نحلب لبن الجاموسة ااااه لبن الجاموسة …
بثينة: دي راحت منك خالص يا ناصر
ناصر : راحت فين ارمحي وراها هاتيها يا بسبس
بثينة باستغراب: هي ايه دي
ناصر: اللي راحت مني وسيبتيها مسير الأيام تلف وتدور وندوخ معاها اهييي اهييي عااااااااااا
حسن: في ايه يا ناصر وه
ناصر: ما تكذبش عليا يا دكتور خبرني لسه قدامي كام يوم واموت
حسن: الأعمار بيد الله
ناصر: اهئ اهئ انا موت اصلا لا اله الا الله ربنا يرحمني يارب دخلني الجنة انا وقمر ونوح اشويه في النار
حسن: ايه هدي شوية ولما انت موت كيف قاعد معانا وعاتتكلم ونتسامر سوا
ناصر بتفكير: يبقي انتم موتوا انتم كمان ودخلنا الجنة سوا اصل الواحد بيتحشر مع اللي بيحبهم وانت يا دكتور حسن مع انك دكتور الا انك متواضع وبلسم وقمر يااه علي قمر مافيش اطيب من قلبها واحن منها البت بسبس دي مش واثق فيها بقا
حسن: ربنا يكرمك ارتاح بقا دلوك من هنا لباكر
قمر: لاه احنا هانمشوا
حسن: وه كيف هاتمشوا وناصر اكده وبعدين نوح فاته بيلف عليكم دلوك وده شراني خليكم هنا والصباح رباح وانتي يا بثينة عاودي دارك قبل ماحد يلاحظ غيابك
قمر: مش عارفه اشكرك ازاي يا دكتور حسن ربنا مايوقعك في ضيقة
بتمشي بثينة وبتقعد قمر تبص علي ناصر
ناصر بضحك:
ماتبصليش بعينيكي الحلوة دي اصل اتغر وافكر نفسي حاچة
ضحكت قمر:
يا شيخ اتلهي انت في ايه ولا ايه
ناصر:
انا في جمال عيونك دي كاتب قصايد ومواويل القمر منها يغير
قمر ضحكت:
نام يا ناصر ورانا هم ومرار طافح
ناصر:
بتفكريني ليه بالماضي الأليم دي اخص عليكي وابن عمك بوز الاخص اللي فاكر انه خرطه الخراط واتدقلج مات دي بتعكري مزاجي ليه
قمر: هههه خلاص اسفة نام بقا
ناصر: بس قبل ما انام قولي احبك كي اكون وسيما بقا
قمر: اتنيل نام بقا
ناصر: حاضر
___________________________
دخل نوح المستشفي بالمسدس وكان بيدور في كل الاوض والممرضين خايفين
لحد مش بيسيب حتة وبيسألهم بيقولوا انهم ماشفوش حد..
بيقعد متعصب والدكتور بيجبس ايده والايد التانية ماسكة المسدس والدكتور بيترعش من الخوف
بياخد الدكتور وقت في تجبيس ايده فابينام نوح
___________________________
صحي ناصر وكان بيبص علي قمر وهي نايمة..
ناصر بصوت واطي: يابختك يا اللي صاحي الليل بدال كان السبب واحدة ومين يقدر ينام الليل وهوا خياله مع واحدة ..
فتحت قمر عينيها وكانت نايمة علي الكنبة قصادة فبعد نظره عنها…
قمر: انت بقيت كويس !
ناصر: الحمد لله فضل ونعمة بس اني اخر حاجة فاكرها اني نوح ضرب نار ايه اللي حوصل بعد كده
قمر: اتصدمت يا عيني فاقعدت تهرتل
ناصر: ياسلام وقولت ايه
قمر: حديت ماسخ مالوش عازة يلا ورانا سفر
بيخبط حسن علي الباب ..وبيدخل ومعاه الفطار
حسن بيشوف ناصر وبيطمن عليه وبيجيب له علاج ..
قمر: كتر خيرك يا دكتور بس دلوك لازم نمشي
حسن: طيب افطروا الاول
بتهز قمر راسها وبتاكل وناصر بياكل وبعد كده بتمسك شنطتها وبتلبس نقاب عشان ماحدش يعرفها
ناصر: ربنا يهديكي ده عن اقتناع
قمر بضحك: اقتناع ايه ده انا قولت لبثينة تجبهولي عشان ماحدش يعرفنا
ناصر: تنكر يعني ايوه
قمر: وانت كمان اتنكر يلا …
ناصر: ماشي دا انا هاتنكر تنكر ماتنكروش متنكر في تاريخ المتنكرين
بتطلع قمر وبتستناه لحد مابيطلع قدامها وبتموت من الضحك…
ناصر: وه شكلي يضحك اياك
قمر: حرام عليك ايه اللي فرق الشنب
ناصر: ايوه ايه مش مغير من شكلي
قمر: امشي يا ناصر وربنا يستر امشي
بتشكر قمر دكتور حسن وناصر بيشكره
ناصر: كانت ضيافة مميزة ربنا يخلي لك عيالك اللي لسه ماجوش ربنا يبارك في مراتك اللي لسه ماتجوزتهاش
بيبص حسن علي قمر وبيبتسم
وناصر بيلاحظه: ومش هاتتجوزها لانها بعيدة جوي عن شنبك
بيمسك ناصر ايد قمر وبيمشوا بيكونوا خايفين لحد مابيوصلوا محطة القطر..
بيقعد ناصر وقمر جمبه ..
ناصر: الي الحرية …
القطر بيزمر وهايطلع وناصر وقمر اتطمنوا…
ناصر بضحك: نفدنا بجلدنا …
فجأة حد بيحط ايده علي كتفه …
ناصر بيبص عليه وبيضحك:
هههههه اهيييييي هوهوهوهو اييييه هيا بردت كده ليه مع ان احنا في عز الحر هوهوهوه يا سنة سوخة !…..
يتبع….
القطر بيزمر وهايطلع وناصر وقمر اتطمنوا…
ناصر بضحك: نفدنا بجلدنا …
فجأة حد بيحط ايده علي كتفه …
ناصر بيبص عليه وبيضحك:
هههههه اهيييييي هوهوهوهو اييييه هيا بردت كده ليه مع ان احنا في عز الحر هوهوهوه يا سنة سوخة
قمر اتفاجئت وبلعت ريقها بصعوبة وقالت بصوت مبحوح:
نوح !
نوح: اياكوا يكون عقلكم مصور لكم ان الهبل اللي انتم عاملينه ده يخيل عليا
ناصر: اهئ اهئ طيب بس خبرني انت ايه اللي يريحك وتهملنا في حالنا عشان نغور من خلقتك
نوح: اللي يريحني اشرب من دمك يا ولد المركوب
ناصر: مش هايعجبك صدقني ده مليان بلهارسا وكورستورول وسنة سوخة مايعلم بيها الا ربنا انا بقولك اهو اشتري نفسك وبلاش افتكر اني قولت لك بلاش
القطر بيطلع ……
نوح: كان ليه لازمه حديتك الماسخ دي اهو القطر طلع
ناصر: حديتي ماسخ حط عليه شوية سكر اهيييييؤؤؤ
رفع نوح حاجبه وبص له ..
ناصر: ما الصلح خير قوم نتصالح وننسي اللي فات والذكريات المؤلمة اللي كلنا مرينا بيها دي
مسكه نوح من رقبته فنزل ناصر علي ركبه وهو بيعيط:
روح ياشيخ ربنا يزيدك من نعيمه ويبارك في جتتك وصحتك ويخليك تطيح في الخلق زي الطور اكتر ما انت طايح سامحني..
قمر: وه اتجنيت اياك !
بص ناصر ل قمر: انا عاوز اعيش لسه ورايا حاچات كتير ما عملتهاش واصل لسه عاوز انتظم في الصلاة ولسه عليا ايام اصومها ولسه عاوز اغير حياة شخص للأفضل لسه ورايا حاچات كتير
نوح : وانا ماهسيبكش تنفذها
كاان القطر ماشي والباب مفتوح قام نوح زق ناصر علي بره القطر ناصر مسك في قمر لحد ما عرف يتوازن بس قمر اختل توازنها …
قمر: الحقنييييييييييييييي
كانت هاتقع وناصر بيقرقض في ضوافره ومش عارف يتحرك ..
فجأة نوح مسكها وشدها عليه جت في حضنه ….
وناصر قعد في جمب وربع ايديه ورجليه :
مش عاوز اموت مش عاوز اموووووت
قمر كانت مغمضة عينيها في حضن نوح ومش حاسه بنفسها ..
لغاية اما طبطب عليها وكأنه بيطمنها بعدت عنه بسرعة ناحية الباب وكانت هاتقع للمرة التانية بس مسكها من ايدها وهي بره الباب وشايفه عجلات القطر وعلي لحظة
سحبها للمرة التانية وبعدت عنه وقعدت وشالت النقاب علشان تعرف تتنفس …
نوح: الجمال ده مايظهرش اكده للعلن الجمال ده لازمن يتصان
اتعصبت قمر:
وه عاوز ايه يا ولد عمي هملنا وروح شوف دنيتك
نوح: وكيف اهملك وانتي دنيتي
قمر:
صوح انا دنيتك انا اتخدعت فيك كنت فاكرك سند وضهر وقلب طيب طلع قلبك حجر صوان واول ماعرفت تقسي قسيت عليا
نوح: سامحيني ماكنتش في وعيي
قمر ضحكت:
هاصبر نفسي انك لما فكرت تعمل فيا العمل الرضي كنت سكران بس لما قعدت تتساوم مع ابوك علي ثمن انك تقبل اني اكون ملك غيرك كنت سكران برده اياك ولا ايه
الفلوس يا ولد عمي الفلوس بتعمل اكتر من كده وانت معدنك مش اصيل كنت فاكره معدنك دهب طلع نحاس وانا اللي كنت مخدوعة..
نوح: يعني افهم ايه من كلامك ..
قمر سكتت وهي باصه علي ناصر اللي في حالة هيستريا :
اللي تفهمه !
نوح: نبرتك اتغيرت ونظرات عينيكي
قمر: ربنا يكفيك شر واحدة حبت وانجرحت اتعشمت واتضحك عليها !
نوح مسك تليفونه:
المحطة الثانية هناخد القطر اللي راجع الصعيد
بصت له قمر وسكتت..
قعد نوح يقلب في تليفونه جمب الشباك ….
وراحت قمر قعدت جمب ناصر …
قمر: ناصر انتي قوي وتقدر تعدي اي حاجة ماتستسلمش للحالة دي اهدا اهدا يا ناصر..
لقت واحد ماشي ومعاه ميه قامت تجري عليه وجابت ازازة وشربته منها ونوح متعصب منهم وبيكور في ايديه بعصبية
لحد ما بدأ يهدا …
قمر بضحك: فاكر يا ناصر الغنيوة اللي كنا بنغيها سوا واحنا صغار غني ويايا ..
ابتسم ناصر..
قمر: في البحر سمكة بتزق سمكة عالشط واقف صياد بشبكة..
ناصر: في البحر موجة بتزق موجه والشط زحمة وزعيق وهوجة
نوح بابتسامة:
ونونة تضحك وتقول لبابا يابابا هاتلي بسكوت ونوجة
ناصر: ماحدش قالك تغني معانا الغنيوة يا بارد
قام نوح وقف بعصبية وطلع مسدسه:
بتقول ايه ! ماسمعتش
ناصر بخوف: ما قولتش طالما انت ماسمعتش
بعدين بص للمسدس:
مش عاوز اموت
قمر وقفت بعصبية:
وه انت عاوز تربي له العصبي همل الراجل في حاله واتقي الله
بص نوح ل ناصر بعصبية وناصر ابتسم وطلع له لسانه
قعد نوح ومسك اعصابه وهو بيبص لناصر وناويله …
ناصر وهو بيبص ل قمر اتكلم بصوت واطي:
كنتي بتحبي فيه ايه يا مضروبة
بص علي نوح اللي بيشرب سيجارة:
شعره الاسود الحرير يعني وماله ماكلنا عندنا شعر اه انا شعري اكرت بس كيربي جميل
ولا عضلاته اللي هاتفزر الجلابيه بكره يطلع له كرش ابت دا كل رجالة مصر تما كده !
ولا يمكن عيونه الملونة دي شبه القطط بتنور في الضلمه يرضيكي تخافي في الضلمة وتتشعفي
يا ليلة سوخة يا ولاد دا انا كراجل حبيته وبسألك 🙂
ضحكت قمر ضحكة بصوت وقف نوح متعصب.
نوح: همي اترزعي هنا قدامي احسن ما اصفي لك دمه
ناصر : قومي يا قمر بدل ما يصفي الشوية الدم اللي باصص لي فيهم دول !
قامت قمر وهي متضايقة قعدت قصاده…
نوح: خمس دقايق وهاننزل …
هزت قمر دماغها بابتسامة مزيفة …
القطر وقف …قمر كانت بتحاول تعمل اشارات ل ناصر بس كان بيبص علي ضوافره وبيفكر يعملها بادكير زي مابيقول ..
نزل نوح من القطر ماسك ايد قمر وناصر وراه وقفت قمر تصوت ..
اتفاجأ نوح ومسك ناصر من لياقته:
عملت ليها ايه يا ولد المركوب انت..
ناصر: والله ماعملت حاجة والله ماعملت حاجة .في اييييه يا عم انت عاوز تقطع لي الخلف طب سيب لي امل اعيش عشانها..
بص نوح لقمر وساب ناصر: في ايه..
الناس اتلمت..
قمر بعياط: الحقوني يا خلق الحقوني ياهو المجرم ده خاطفني من الصعيد وانا وليه ماليش حد
الناس اتلمت حوالين نوح وهو بيبعدهم عنه…
قمر: عاوز يعمل معايا الرضي غيتوني يا رجالة ده انا زي بتكم ربنا يستر علي ولاياكم…
نوح اتعصب: قمررررررر فضي الليلة دي وتعالي معايا بالذوق احسن ما صور قتيل
راجل كبير ضربه بالقلم:
وليك عين تهددها واحنا واقفين جتكم القرف مليتوا البلد ماعتش رچالة واصل…
قمر بصت لناصر :
ارمح يا ناصر الدنيا هاتولع
ناصر: ماهو باين انا عاوز اقولك حاجة واحدة بس
قمر: ايه هيا؟!
ناصر: هانموت يا حزينة
قمر: ارمح يا ناصر ارمح
مسح نوح علي وشه بعصبية وشاف قمر وهي بتجري هيا وناصر حاول يعدي بس الرجالة وقفوله وزقوه وقع علي الأرض
شافهم بعدوا وماعتش شايفهم وقف وطلع مسدسه وضرب طلقه في الهوا…
نوح بعصبية وزعيق:
يمين بعظيم اللي هايقرب مني لأكون مفرغه في دماغه يا ولاد المر
وب منك ليه
الناس خافت وكشت وبعدت عنه وهو طلع يجري يدور عليهم ….
ناصر كان ماسك ايد قمر والشنطة في ايده التانية
ناصر: اتقدم اووووووه اتقدم اتقدم واياك ترجع لورا دا نوح اووووووه مستنيييك اووووووه وهايوديك توصيلة سريعة للمقبرة
قمر وهي بتجري وبتنهج: هو ده وقت هبل اللي يرضي عليك
ناصر: دا بينه هايبقي مرار طافح ! ياليلة سوخة يا ولاد !…..
يتبع….
قمر: انا مش بطمن من الكلمة دي
ناصر: ليييه هو في ليلة سوخة اكتر من كده دا بقي مرار طافح دلوك يجي رمح ورانا ويعبطنا ماتقلقيش
قمر: بس انت هاتحميني صوح يا ناصر
ناصر: انا ناصر الصفدي لو قدرت وحميت نفسي انتي تاني خيار ليا عدل
قمر : لا راجل صوح
ناصر وهو بيجري وبينهج :
لاااااا انا اعجبك قوي
فضلوا يجروا لحد ما لقوا واحد في وشهم ..
ناصر: عدي يا جدع انت من خلقتنا عاد
_ليه السرعه دي عاملين عمله ولا ايه
قمر: وانت مالك يا عم انت
ناصر بص ل.قمر:
معاكي راچل تنكتمي وانا واقف ولسانك ما يطلعش بره خشمك
قمر بضحك: حاضر يا سي ناصر
ناصر بص للراجل ورفع حاجبه:
اه يا خويا عاملين عملة وتقيلة كمان ليك فيها
_وعامل ايه بقا يا عم الشبح
ناصر: عامل التقيلة في الكبانيه اهيييييي خليك في حالك بدل ما اندمك علي حالك
قمر قربت من ودن ناصر:
الثقة الزايدة عفشة وانا قلبي مش مطمن
ناصر بهمس:
جمدي قلبك انا اتحدي العالم كله وانا ويااااااااك
مسكه الراجل من لياقته …
ناصر: وه وه وه دا الحلو عاوز يتعلم الادب اللي ما ربهوشي اهله العبد لله يرجع يأهله
ضربه ناصر بالروسية …
مسك الراجل دماغه وطلع مسدسه …
قمر شهقت بخوف..
ناصر بخوف: يا سنة سوخة يا ولاد ! دا بقي مرار طافح !
____________________________
كان نوح بيجري في كل حتة في محطة القطر والدنيا زحمة
نوح: انتي فين يا قمر غلطة وحيدة غلطتها في حياتي اييييييه كفرت ماتعرفيش تسامحيني مافيش في قلبك ليا ولا حاجة تشفع لي وسنينا وايامنا اللي قضيناها سوا
رميتي كل ده ورا ضهرك وهملتيني
وقف ينهد:
كله منك يا ناصر الزفت يامين يعترني فيك وانا اخلص فيك القديم والچديد
_______________________________
كان ناصر واقف قدام الظابط وقمر معاه..
_الشنطة دي فيها ايه متفجرات ولا مخدرات
ناصر بخوف: يمين بعظيم تسامحني يا بيه انا كأي شاب حبيت اتمنظر انما انا في العادي بالله چبان
قمر: يا بيه احنا…
_انا سمحت لك تتكلمي
ناصر بص لها بزعل:
بس لا مؤاخذة يا بيه الشرطة في خدمة الشعب وانت المفروض تسمعها
_اه الشرطة في خدمة الشعب اقوم اجيب لك شاي بالمرة
ناصر: ياريت ست معالق سكر
_يا سكر..
قمر: لو سمحت يا حضرة الظابط ممكن اعرف احنا اهنيه ليه وايه تهمتنا ممكن حضرتك تفتش الشنط خلجاتي وشوية اوراق وبؤجة ناصر دي فيها خلجاته
ناصر: بلاش البؤجة بلاش
_ليه فيها ايه خايف منه
ناصر: مافيهاش بس دي حاجة شخصية يعني
فتح الظابط شنطة قمر واتحرج ووشه احمر وقفلها تاني وراح عند بؤجة ناصر …
ناصر : بلاش يابيه سايق عليك النبي
_يبقي فيها بلاوي
ناصر: مش بلاوي من اللي في دماغك
مسك ناصر ايده بص له الظابط بعصبية فخاف ناصر وساب ايده
فتح الظابط البؤجة …
طلع الظابط اول حاجة اشراط بيضه ..
ناصر: اعرض يابيه ملابسي الداخلية قدام البنات اعرض !
قمر كانت واقفة تضحك وتبص له …
حطهم وبعدين طلع دبدوب لونه بمبي
الظابط بص له باستغراب
ناصر بص لقمر:
شوفتي نسيتي وحطيتي دبدوبك معايا
قمر بضحك: معليش حقك عليا ياولد عمي لسه في حاجة يا حضرة الظابط
الظابط طلع برطمانين ريحتهم وحشة.
الظابط: دا فيه بلاوي…ايه ده؟!
ناصر: بالله ماهي بلاوي دي وصفة الست الوالدة عاملاها لي وصفة للشعر عشان شعري ينعم ووصفة عشان تطلع لي السفس بافس بس اكده!
بص ناصر علي الظابط لقاه هايدوقها…
ناصر: بلاش يا بيه …
_وليه بلاش ! خايف من ايه
ناصر: دي مش اي حد يستحملها افتكر اني قولتلك بلاش !
داق الظابط بصابعه منها وفجأة مسك بطنه
ناصر وهو بيدمع:
قولتلك بلاش بلاش بلااااااش
قمر: هانعملوا ايه دلوك يا حزين هانتحبسوا صحيح من خرج من داره اتقل مقداره
ناصر قرب عليه لقاه وقع عالأرض وماعتش بيعمل صوت…
قمر: هو ماله !
ناصر بخوف: مش عارف هو مات ولا اييييه ده بقي مرار طافح
قمر: هانروح فيها وهانتسجن ظلم يا ناصر.
ناصر: هانتسجن ههههه قلبك اوبيض هانتعدم يا بت هاتنعدم مش عاوز امووووووت مش عاوز اموووووت
قمر ضربته بالقلم:
اهدي بس اكده
لم بؤجتك واخرج معايا وحاول تكون طبيعي عشان مانترميش في السجن باقي عمرنا يا ناصر اهدي
ناصر: هانمووووووووت ….
رزعته قمر قلم تاني..
قمر: اهدي هاتودينا في داهية الله يخرب بيتك
ناصر: ما احنا في داهية لسه هانروح لها احنا بنروح للداهية بطيارة…
شدت قمر الظابط وودته ورا المكتب ومسكت شنطتها…
قمر: ناصر ابوس يدك ساعدنا نخرج من اهنيه ..
مسكت قمر ايد ناصر وخرجت وهو بيبص علي العساكر وبيبتسم…
وخلاص قربوا من باب القسم ..
_وقف عنديك!
كشر ناصر وشه :
يا ليلة سوخة ! دا احنا هانشرب المر بشاليمون !
قمر قبل ماتلف :
اهدي وسيبني انا اللي اتكلم
لف ناصر وقمر مع بعض وناصر بيبتسم وفي نفس الوقت بيترعش…