رقية: يااربى طب أنا اقعد فين الوقتى
أنتِ رقية صح
بصيت لمصدر الصوت ولقيتها ست كبيرة فى السن وملامحها طيبه
رقية: ايوه أنا
الست بطيبة: أنا سعاد بشتغل هنا بس انا مسئوله عن الاكل وتنضيف جناح بدر بيه
رقية بإستغراب: بس أنا مش شوفتك امبارح وبعدين حضرتك عرفتى اسمى منين
سعاد بإبتسامة: أصل بدر بيه اتصل بيا وقالى إن فى مُربيه جديدة لكاميليا هانم جايه وقالى أحضر ليكِ اوضتك وأنا عملت كده بس كاميليا هانم أصرت انى العب معاها وانا اتلهيت ومش شوفتك معلش يابنتى
رقية ابتسمت: لا عادى ولا يهمك بس هى كاميليا وحيده
سعاد بحُزن: ايوه أصل والدتها ليلى هانم خلفتها وهى ماتت بسبب حادثه حصلت ليها و لبدر بيه