البنت: لو سمحتى هى دى شركه بدر بيه الدمنهورى
السكرتيره بذوق: ايوه يا فندم هى دى الشركه الرئيسيه بتاعتو
البنت بتوتر: طب هو كان فى إعلان ان بدر بيه كان عايز مُربيه لبنتو وأنا كُنت عايزه أقدم فيه
السكرتيره: تمام يا فندم حضرتك ثانيه هقول لبدر بيه اتفضلى استريحى بس ممكن بطاقتك
البنت بإحترام: اه اتفضلى
السكرتيره وهى بتبص فى البطاقه: تمام يا رقيه هبلغ بدر بيه عن اذنك
رقيه: اتفضلى
قعدت رقيه على الكرسي بتفتكر أيه اللي خلاها تدور على شغل
فلاش باك
رقية فى السكن بتكلم ابن عمها فى التليفون
رقية: هو احنا هنعيد نفس الكلام يا يوسف
يوسف بضيق: ايوه هنعيده هو مش انتِ اخر سنه ليه رافضه اننا نتجوز وتكملى السنه وانتِ فى بيتى
رقية: بس أنا هخلص وهشتغل
يوسف: والله عايزه تشتغلى وأنا أخد المصروف منك صح مش كفايه بدفعلك فلوس الكُليه وساكت
رقية بصدمه: هو أنا كُل ما أكلمك تزلنى بالفلوس اللى انت من نفسك بتدفعها