رقية: ح..حاضر
دخلت رقية المكتب وهى متوتره لقت بدر قاعد على الكُرسي بس ضهرو للباب وقفت رقية عند الباب
بدر بصوت رجُولي: هتفضلى واقفه كتيير على الباب ما تدخلى
دخلت وقعدت علي الكُرسي بتوتر منو
بدر وهو بيلف الكُرسي عشان يشوفها: اتفضلي اتكلمي
رقية: أنا رقيه حسين سالم أنا شوفت إعلان حضرتك انك كُنت عايز مُربيه لبنتك وأنا كُنت عايزه اقدم فيها
بدر ببرود: انتِ بتدرسي ولا لا
رقية: ايوه بدرس أنا أخر سنه السنادي كُليه تربيه طفوله
بدر: طب هتقدرى على الدراسه والشغل
رقية: ان شاءلله هقدر
بدر ببرود: طب من شروط الاعلان دا كان ان المُربيه تكون مش مخطوبه ياترى انتِ مخطوبه ولا لا