منال: واشتغلتى عند مين اوعى يكون راجل
رقية بكذب: لا.. لا طبعاً يا ماما دى ست كبيرة فى السن أنا المُربيه بتاعه بنت بنتها اصل بنتها ماتت والست مش هتقدر تربى البنت
الصغيره لوحدها يعنى
منال بتأثر: ربنا يرحمها طب فين ابوها
رقية بكذب: ما ابوها وامها ماتو فى حادثه
منال: ربنا يصبرها المهم يعنى انتِ عايشه معاها فى البيت
رقية: ايوه يا ماما
منال: طب خلى بالك من نفسك سلام
رقية: سلام
رقية قفلت مع امها وهى زعلانه عشان كذبت بس هى لازم تشتغل عشان تدفع فلوس يوسف قاطع تفكيرها لما نهال صاحبتها رنت
رقية: الو يا نهال
نهال: مال صوتك فى ايه
رقية حكت لنهال اللي حصل