رقية بفضول: حادثة.. حادثة ايه
سعاد بتنهيده: لا دى حكايه طويله تعالي ساعدينى فى المطبخ وأحكيهالك
رقية بإبتسامة: ماشي يلا بينا
داخل المطبخ
رقية: هااا يا داده سعاد حصل ايه
سعاد:انا معرفش الحكايه بالتفصيل كُل اللى اعرفو إن بدر بيه خرج فى يوم وهي كانت معاه للدكتور عشان يطمنو على صحه الطفل وكده بعدين بفتره طويله جالنا خبر إن بدر بيه فى المستشفى أول ما روحت لقيت بدر كان واقف بس فى شويه كدمات فى وشو لما
سألتو قالى العربيه اتقلبت بينا قعدنا مستنين الدكتور عشان يقول حاله ليلى هانم ازاى وخرج الدكتور والممرضه شايله طفله والدكتور بيقول البقاء لله فى المدام ومن ساعتها كُل حاجه اتغيرت
رقية بحُزن عليه: ربنا يرحمها ويصبرو بس القصر كئيب اوى مينفعش طفله تقعد فى الجو دا
سعاد: القصر دا كان قبل موت ليلى هانم كان بيضحك لوحدو الكُل فرحان بدر بيه كان بيهزر مع الكُل بس دلوقتى مش بيكلم حد