انا فى كارثه بجد انا عروسه متجوزه من سنه وبحب جوزى جدا وهو كمان نسيت اعرفكم بنفسى انا المغفله قصدى ضحى وبشتغل مدرسه وجوزى معيد فى الجامعه
حصل حمل مرتين بس للأسف سقط والحمل مش بيوصل للشهر التالت
جوزى بيحبنى جدا وانا كمان بعشقه يمكن الكلمه دى قليله عليه
محمد جوزى لى طقوس يوميه بيقوم يروح الجامعه الصبح
ويرجع على الساعه 9 بالليل نتعشا انا وهو ومش بنخرج غير فى الإجازات المهم انا كل يوم بصحى من النوم الصبح جسمى متكسر وهلكانه وتعبانه معرفش ليه وانا بعانى من الانيميا بس اكيد مش ده السبب
كلمت ماما علشان تيجى معايا اكشف قالتلى متقلقيش يمكن برد فى جسمك
قولتلها لا
حجزت عند الدكتوره وميعادى عندها بكره بالليل خدت ماما تبات معايا ومحمد مكانش عارف انها هتبات