صباح دخلت عليه المطبخ لقته واقف ع البوتجاز بيجهز وجبه الفطور!!!
صباح: ليه عملت الفطار يا حبيبي
عيسي بصلها وابتسم بشقاوه: ابدا قلت ارشيكي واخد بركاتك يا صبوحه
صباح ملست ع خده بحنيه : دايما بتمنالك الخير وبدعي ربنا يحميك ويباركلي فيك وحياتك ميبقاش فيها عقابات وطول ما انت ماشي كويس هتلاقي الخير
عيسي ضمها لحضنه اوي وخرجها: ليه بتعيطي يا امي
صباح مسحت بسرعه دموعها: لاني فخوره بيك
عيسي بغمزه حلوه: وانا مبسوط لاني اتولدت وبقيتي امي وبحبك اوي
مساعد دخل بحقد: وانا بكرهك اوي لانك وش نحس
صباح بحده: وبعدين معاك يا مساعد وبعدين ده بدل ما تدعيلو تشتمه