– صباح الفل يا مامي.
– مامي في عينك..قليلة الأدب..أنا قدك يا بيئة أنت..ازاي تقوليلي ماما كدة..أنت اتجننتي؟!
– صباح الفل يا ست الكل..سلامة عقلك..قدي ازاي بس؟
– ست الكل..أنت هبلة..ازاي تقوليلي كدة؟!
– مامي..عايزة فلوس الدرس لو سمحتي.
– درس إيه؟
– درس الفلسفة يا مامي.
– بكام؟
– أنت عارفة.
– طب فكريني.
-…جنيه.
أعطتها النقود ثم غادرت تاركة إياها في حالة سيئة جدا.
– فيه حاجة غلط هنا..مامي إيه..أنا عندي18سنة..ازاي بقيت مامي وعندي بنت في ثانوية عامة يعني قدي..هي مين مامة مين..آاااااه.
– ازيك يا مامي؟
– مامي بردو..بردو؟!
– ممكن تعمليلي نسكافيه معاك لو سمحتي.
– اعملي لنفسك.
تركتها وغادرت المطبخ.