نمر: عندك حق يابابا
عز: اطلع هاتها يانمر وخلينا نخرج شويه ده انا حتى لسه بقول ل اسيل عايزين نخرج
نمر: تمام
قام نمر طلع على فوق لقا باب الجناح مردود فتحه بهدوء والنور كان منور ف الاوضه ولقاها قاعده على السرير منكمشه ف نفسها
وبتعيط
نمر قرب منها بحنيه وخدها ف حضنه: انا اسف
حور عيطت جامد ف حضنه: ا انا مش عارفه بخاف اوي ليه كده ا.. انا مكنتش عايزه ابقا جبانه كده
نمر وهو بيطبطب على شعرها بحب: لا انتي مش جبانه ياحبيبتي انتي اقوى واحده ف الدنيا دي انتي بس عندك فوبيا من حاجات معينه ودي طبيعي عند اي انسان وانا اسف جدا اني كنت بنسى واسيبك لوحدك بس انا كنت متعود اعيش لوحدي من غير ما استنى
حد او اخاف على حد لكن لما انتي جيتي كل ده اتغير بقا ليا حاجه اخاف عليها بقيت بحبك اكتر من نفسي صدقيني ياحور انا مش قصدي اخوفك
حور مسحت دموعها بكف ايدها: انا عارفه انا اسفه اني زعلتك تحت انا مش كان قصدي بس انا فعلا بخاف من حاجات كتير اوي