– خير يا بيه بتنادي علي مين
ازيك يا عم فتحي ( ده البواب بتاع العمارة) كنت بنادي ع الاستاذ احمد كان واقف معايا وفجاءة مشي
– استاذ احمد مين يا بيه سعادتك واقف لوحدك بقالك مده
بتقول ايه!! يا عم فتحي كان فيه واحد واقف معايا هنا دلوقتي!!
– لا يا بيه سعادتك واقف بقالك شوية بتتكلم مع نفسك انا حتي استغربت و… يا بيه!!
هاا معلش يا عم فتحي انا لازم امشي
مشيت وانا عمال افكر يعني اي!! ازاي عم فتحي مشفش احمد واقف معايا طب ما يمكن هو مكنش واخد باله وقفت تفكير
ورحت صليت وطلعت نمت صحيت تاني يوم فضلت ارن علي احمد مكنش بيرد نزلت رحت الحديقه ملقتهوش برضو فضلت لحد
الساعة 1 الصبح مجاش قمت وطلعت شقتي ونمت… صحيت تاني يوم ورحت
الشغل طبعا الكل مصدوم بسبب اللي حصل قعدت علي مكتبي وبصيت لقيت حاتم ومروة واسراء وكريم زميلنا كان واقف معاهم