الموقف واللي عيني شافته 😳😱 ايواا المسخ ف شنطه العربيه من تاني .. رجع ازاي وامتي معرفش وشكلي هاتجنن 😢 نزلت المسخ دا وكانت عينيه علي حنان دايما وكانه بيقولها انا هانتقم منك او هاقتلك ع اللى عملتيه
حفرنا حفره كبيره اوي ونزلنا الشيطانه دي فيها ونظراتها لينا كلها رعب وانتقام 😱😈 وبدانا نردم بالتراب عليها وبدات تصرخ بصوت
غريب بس الاكيد ان دا مش صوت بشر ابدا 😳😱
وخلصنا واتاكدنا ان الحفره تمام وقولنا خلاص هنروح نطمن الشيخ وترجع حياتنا طبيعيه زي الاول وركبنا العربيه وف طريقنا للقريه وتحديدا بيت شيخ القريه بس المفاجاة اننا سمعنا صوت خبط بس كان بقوه جامده ف شنطه العربيه ودي الحاجه اللي خلتني
وقفت العربيه ونزلت اشوف فيه اي … بس انا ايدي كانت متجمده م الخوف لدرجه اني مش قادر افتح الشنطه وواقف ساكت
حاولت اهدي واتملك اعصابي وبدات افتح الشنطه بشويش والمفاجاه 😱😱 ان الشنطه فاضيه تماما بس جواها ريحه مقرفه جدا
😷
قفلت الشنطه تاني وكملت مشواري للقريه ووصلت لبيت الشيخ ودخلنا عشان احكيله اللي حصل لقينا اولاده قاعدين ف الصاله وبيعيطوا حاولت اسالهم كتير لكن مش قادرين يتكلموا قولت ل حنان تقعد معاهم وفضلت ادور ع الشيخ ف البيت بس من غير فايده