بعد شوية دخلت عندى الشقة وقعدت وفضلت ساكتة وكأنها مستنيانى افتح معاها اى كلام يخص موضوع الحريقة، حبيت اريحها وقولتلها
.. شايفاكى مش على بعضك وعايزة تقوليلي حاجة
… فعلا عندك حق يااميرة، بصي يااختى العمارة كلها بتتكلم عليكي وعلى اللي حصل فى الحريقة وبيقولوا ان انتى مخاوية و..
سكتت سعاد مكملتش، مسكتها من ايديها وقولتلها
.. قوليلي كل حاجة ياسعاد، متخبيش عنى حاجة
… بصراحة يااختى سكان العمارة اتفقوا يجيبولك حد بيفهم فى السحر والكلام ده ويخبطوا عليكى مفاجأة ويشوفوا في اى حاجة فى
شقتك وفيكى ولا لأ
معرفتش ارد عليها اقولها ايه وفضلت ساكته، لحد ماقالتلى
.. انا اسفة يااختى حقك عليا، انا مضطرة امشي.
خرجت سعاد وحسيت بشوك فى بطنى، برفع البلوزة لقيت فيه شوك خارج من جلد بطنى ودم اسود عمال يسيل، حطيت ايدى على
بطنى اتجرحت ونزل منها نقط دم لكن احمر، اتخضيت جدا، نزلت وجرى ركبت عربيتى، مفكرتش حتى اشيل الدم من على جسم
وهدومى،وروحت لدكتور عادل، دخلت عليه من غير استاذان، كان عنده بنت شمال بيسقطها بس كان لسه هيبدأ، اول مادخلت عليه