في شقة الأسطي جمال.
تخرج شمس من غرفتها بعصبية شديدة تجد والدتها تجلس تشاهد التلفاز لتجلس بجانبها بغيظ:ماما.
الأم بهدوء:نعم يا شمس.
شمس بغيظ:بنتك مش عايزة تعملي مذكرات أذاكر منها .
الأم بهدوء:ما هي عندها حق تعملك ليه ما تعملي لنفسك .
شمس بغيظ :ماما أنتي في صف مين بالظبط عايزة أفهم.
الأم بهدوء:أنا مع الحق يا حبيبتي تسيب مذاكرتها وتلخص ليكي ماتلخصي أنتي لنفسك يا بنتي وتذاكري براحتك.
شمس بغيظ:وفيها أيه ما نفس المواد والمقرر وبعدين هي أختي المفروض تقف جنبي.
الأم بنفاذ صبر:يعني عايزة أيه دلوقتي يا ست شمس.
شمس بخبث:خليها تعملي ملخصات أذاكر منها وهي هتسمع كلامك أكيد.
مش هيحصل يا شمس عايزة تذاكري معاكي ربنا مش عايزة عنك ما ذاكرتي لكن أختك مش هتعمل حاجة يا شمس قالها الأب
بعصبية وهو يدخل من باب الشقة.
لتنتفض شمس من مكانها بغل:أه طبعاً ما هي الست فيروز حبيبة القلب لكن شمس في داهية صح.
الأب بعصبية:يا أنتي أنا خلاص زهقت منك ومن عمايلك عايزة تذاكري عشان تفلحي براحتك مش عايزة بردو براحتك لكن أختك مش