رواية قصتنا تشبه بعض الحلقة الأولى
كنت في البيوتي سنتر يوم فرحي وجاهزه ومستنيه العريس ، رنيت عليه بدل المره الف لكن مفيش رد وفجأه اتبعتلي ماسدج واول ما شوفتها الدنيا لفت بيا
“انا اسف مش هقدر اتجوزك ”
فضلت بقرأ الماسدج اكتر من مره وانا مش قادره استوعب اللي عيني شيفاه
قعدت علي اقرب كرسي بوهن وصدمه وانا ببص قدامي والدموع في عيني
اختي بقلق :
-ميار في ايه انتي كويسه ؟
-سابني ،سابني
-هو مين اللي سابك
فضلت اكرر الكلمه بهستريه ودموعي بتنزل علي خدي
-سابني سابني سابني سابني
اختي بقلق :
-ميار في أي ياميار هو مين اللي سابك انطقي
لطمت علي خدي بهستريه :
-سابني يوم فرحي يونس سابني يوم فرحي
اختي بصدمه وهي بتحط ايديها علي بوقها :
-انتي بتقولي ايه يونس مين اللي سابك يونس جاي في الطريق