شهاب بود:النصيب يا غزالة النصيب و بعدين لازم تفضلي تخافي مني… مش اوي يعني
بس اكيد في جزء مخيف جوايا زي بقيت البشر و بالذات بقا لما بتعصب ممكن كل حاجة بينا تضيع من لحظة غضب و يا خوف قلبي
عليكي من لحظة غضب تشوفيها مني
بدعي ربنا كل يوم اني اكظم غضبي لو حصل اي مشكلة في يوم من الايام
غزال بابتسامة:
-بس أنا مبقتش اخاف منك…. انا برتاح معاك يا شهاب و بطمن
شهاب اخد نفس عميق و سند رأسه على رأسها و هم بيتفرجوا على التلفزيون….
تاني يوم الصبح
غزال صحيت من النوم لكن كانت متضايقة انه خرج من بدري و من غير ما يفطر
اتعصبت منه لأنه لسه تعبان….طلبت من نعيمة تحضر فطار و تجهزه ليها انها تاخده للمزرعة المكان الأكيد انه هيكون فيه كالعادة
كانت حليمة قاعدة في الجنينة بتشرب قهوة و هي ساكته و بتفكر في اللي بيحصل.
غزال بجدية:مرات عمي
حليمة رفعت راسها بضيق :نعم
غزال :ممكن نتكلم
حليمة: عايزاه ايه يا بنت صباح؟