غزال بخبث:
-مبتاكليش ليه يا نرمين… دا حتى أكل نعيمة بينزل على القلب مش المعدة
نرمين ببرود:
-بجد! جايز
بس أنا كنت فاكرة اني هدوق اكلك يا غزال و لا انتى مبتعرفش تطبخي…
غزال ضحكت بسخرية لكن هند ردت بسرعة و هي بتاكل
غزال أكلها حلو اوي على فكرة و كمان بتعمل حلويات جامدة
غزال ابتسمت لأن حقيقي هند يمكن أكتر من انها تكون أخت
هي شخصية جميلة و داعم جميل ليها دايما
يمكن كل أسرارهم مع بعض
بعد مدة
غزال كانت طلعت اوضتها قاعدة مع هند بيتكلموا، شهاب كان راح الشغل
هند: بصراحة كان هاين عليا ازغرط يارب تقفل الموضوع دا بقا …
غزال كانت حاسة بمغص و أنها دايخة:
-و لا ان شاء الله عنها ما قفلته هي اللي هتخسر انها بتضيع نفسها علشان واحد متجوز…
هند:مالك يا غزال… شكلك مش كويسة
غزال:من امبارح و أنا حاسة بدوخة…
هند :دا من اي؟
غزال؛ معرفش المهم احكي لي.. عاملة ايه مع معتز في الشغل
هند:عادي مفيش حاجة جديدة احنا اصلا اديت كل المجاميع اجازة اخدوا جزء كويس فقررت اني اديهم الحصة الجاية اجازة و بعدها بحضرهم امتحان على اخدناه