الدنيا..
حسيت وقتها ان صاعقة من السما مسكت في جسمي, ووقفت جوة القبر حاسس اني هقع من طولي من شدة الصدمة, ناديت عليهم وانا صوتي بيترعش بس الغريب ان صوتهم اختفى تماما, وكأن مفيش أي حد برة اطلاقًا,
ناديت مرة واتنين واتصدمت صدمة عمري لما بدأت استوعب اني بقيت لوحدي جوة القبر..
مسكت الباب وسط الضلمة لقيته مصمت تماما ومفيش أي بروز أفتحه منه, ووقفت في قلب ظلام القبر انهج
وشعر راسي كله واقف, في اللحظة دي بدأت اسمع صوت وكأن حد بيتاوب, وافتكرت ان فيه جثة انا لسة دافنها بنفسي من لحظات, بصيت ناحيتها وبإيد متيبسة طلعت موبايلي وسلطت ضوء الفلاش عليها, بس الجثة كانت
ساكنة تماما مبتتحركش..
قربت منها وانا قلبي هيقف من الفزع, وكأن فيه منبه قالي ان فيه لغز غريب في الجثة دي, قربت منها وانا كاتم نفسي وعنيا جاحظة من الفزع وكشفت عن وجه الجثة, وشهقت, شهقت من المفاجأة, الجثة كانت لبنت في قمة