القبر فاضي تماما, واشترى الناس القبر بدل ما يبنوا قبر جديد..
والناس كانوا تناسوا الحكاية تماما, لحد ما مـaـت شخص من العيلة دي ولما راحوا يدفنوه في قبر العويسة ودخل
أربعة بالجثمان حصلت المصيبة, القبر كله اتهد عليهم ومات جوة الأربعة اللي دخلوا يدفنوا, وكان يوم صعب على البلد كلها, بل وانتشرت حكاية العويسة تاني, فقام الأهالي بنوا القبر فوق الأربع جثث للرجالة والميت بتاعهم وقفلوه,
واتكتب على القبر ممنوع منعا باتا الاقتراب, بس انا مشوفتش الكلام لأن الجو كان ليل, وقالي ان اللي شوفته ده من الاعيب العويسة أو قرينها أو يمكن الجن اللي سخرته في حياتها, واني لازم أحصن نفسي كويس ومروحش المقابر
لسنة كاملة وإلا هتصطادني..
وخرجت من عنده وانا مذهول, وبحمد ربنا انه نجاني من الفزع ده كله, وفي الليلة دي شوفت جدي زعلان أوي في الحلم, وفكرني بالنصايح اللي كان بيقولها واللي منها اني مروحش المقابر لوحدي بالليل أو في عز الضهر والشمس