جيان بسخريه : اه علشان كدا اتجوزها …صح ..
محمد : بصي انا معرفش هو سابك و اتجوزها ليه .. ولا اعرف الي هو فيه دا سيبه إيه..بس كل الي اعرفه ان صحابي تعبان..من حاجه انا مش عرفها ..وانتي الوحيده الي هتعرفي تخرجي منها ..
جيان : انا مش هتجوز فهد يا محمد ..مستحيل…
محمد : بس انتي لازم تبقي معاه بشكل دائم ودا مش هيحصل غير لما تتجوزيه ….
جيان : هو الي طلب منك ان عايز يتجوزني ..
محمد : لا بصراحه هو ميعرفش..
جيان بعصبيه : وامال عايزني ..اقوله تعالى اتجوزني يعني ولا ايه ..
محمد : لا هقول لجده ..هو ااه مفيش تواصل بنهم كتير بس فهد ميقدرش يرفضله كلمه..وجده عايز يعمل اي حاجه يرجع بيها فهد زي الاول …
جيان : طب ما انا ممكن اساعده من غير جواز .. بحكم مهنتي طبيبه نفسيه
محمد : ما انا قولتلك ..لازم تبقي معاه علطول ..ارجوكي يا جيان ..انا عارف انك بتحبي تساعدي اي حد محتاجلك ..اعتبريها رساله دكتوراه ..بتعمليها ..وانا اوعدك لو محصلش تغير في حالته ..ممكن تطلبي الطلاق وكل واحد يروح لحاله ها قولتي ايه ..؟!!