عايزني اتجوز صحابك ..
_جيان افهمي انا بقولك كدا علشان انتي الوحيده الي هتقدري تساعديه ..
جيان : اساعده في إيه بقا..
_فهد اتغير خالص يا جيان عن آخر مره شوفتيه فيها ..فهد بقا انسان تاني …بعد مـoت رقيه مراته .. بقا الشغل كل حياته ..دا حتى
جده مبقاش يتكلم معاه كتير مع انهم في نفس الفله ..ومبقاش يتكلم معايا زي الاول ..بقت حياته شغل وبس ..
جيان اتغيرت نبرتها وقالت : راجل ..وزعلان على مراته .. انا مالي بقا ..
_جيان ..انتي لسه بتحبيه يا جيان ..
جيان: دي صفحه واتقفلت يا محمد ..متفتحهاش تاني ..
محمد : كلنا عارفين انتوا كنتوا بتحبوا بعض قد إيه..
جيان : اديك قلت ..كنتوا بعني الموضوع انتهى خلاص .. انا بعتذر يا محمد انا مش هقدر اسعدك ..شوف حد تاني ..وقامت وكانت
هتمشي ..
محمد : بس انتي عارفه ان فهد لسه بيحبك يا جيان ..
جيان بسخريه : اه فعلا بيحبني ..علشان كدا اتجوز غيري صح ..فهد طول عمره كان بيحاول يبعد عني ..بس انا الي غب*يه ومكنتش فاهمه ..
محمد : فهد مكنش بيحب رقيه يا جيان ..