رواية بنت العدو الجزء الثاني الحلقة الحادية عشر
الدكتور بصلهم : اسمعي يا مدام ابن حضرتك انقذنا حالته بعجوبه لازم تهتمي بدرجة حرارته تفتهمي بصوت الكحه تهتمي بأصغر التفاصيل دي لانها بتكون سبب لكارثه عند الطفل هو ممكن يكون بيتألم ومش قادر يعبر دورك ك ام تفهمي هو عاوز ايه
بسمله بصوت مبحوح من شدة العياط : ابني فين يا دكتور كويس صح ابني عايش صح ؟
الدكتور : ابن حضرتك كويس المحلول يخلص وتقدري تخديه وتمشي وارجوكي جهاز الاكسجين يكون معاكي ديما واول ما تحسي ان
نفسه تقيل او بيقل جهاز الاكسجين يتحط فوراً
غالي سلم علي الدكتور بشكر : متشكرين جدا يا دكتور
الدكتور سلم بحترام : علي ايه يا حج دا شغلي مع الف سلامه والف سلامه عليه ربنا يشفيه ويعافيه ” ومشي ”
” بسمله دخلت الاوضه وجريت علي السرير اللي ابنها نايم عليه و عيونها مش مبطله عياط باست ايده وحضنته ”