جمال : كنت عاوز منك تيجي تفحص البقر اللي في المزرعه عندنا اربعه بيموتو والله يا مصطفي
مصطفي : لاء حول ولا قوة الا بالله جايلك هفطر بس واجيلك علطول مش انت في المزرعه بردو
جمال : موجود يا كبير خلص امورك وتعالي مستنيك ” وقفل ”
ليلي طلعت من الحمام لفه شعرها بفوطه : كنت بتكلم مين ؟
مصطفي : جمال ابن عمك عندهم بقر تعبان في المزرعه هروح اكشف عليه المهم عوزه حاجه اجيبها وانا راجع ؟
ليلي : لو انت رايح عند بيت اهلي هات حليب من احلام علشان مفيش يكفي سلمي وهتقوم تعيط وتفضح الدنيا بليل
مصطفي : معرفش اقول لأم اسراء هاتي لبن لمراتي هشتري انا وخلاص
ليلي بصتله : انا هكلمها يا مصطفي اللبن بتاعهم كويس ومضمون هتجيب من برا متلج والله اعلم من امتي