لحد ماجه حسام وواحد كمان وحط قدامى ورقة وقالى: اقرى العقد كويس وخدى راحتك فى التفكير.
بصيت فى العقد واهم حاجة بصيت عليها انو مفيش مدة معينه للعقد وانى اقدر افسخ العقد فى اى وقت ودى اهم نقطة عشان
متربطش بمعاد معين فاطمنت وبعدين لقيت نفسى بمضى بأسمى وعطيته العقد فابص عليه وابتسملى وقالى: اسمك سجدة؟
هزيت راسى بنعم وجوايا قلq مش طبيعى فارد قالى : طب يلا تعالى هوريكى اوضتك عشان الاعلان هيبدأ بعد ساعة
اتفاجئت وقولته: بسرعة كدة!
ضحك وقالى: يلا عشان تورينا شطارتك.
وفعلا مشيت معاه ودخلت الاوضه فى الفندق ولما فتحت الدولاب لقيت هدوم كتير فادخلت اخدت شاور وبعدين غيرت هدومى واستنيته ،،وبعد شوية لقيته بيخبط ونزلت معاه لموقع التصوير ففضلت واقفة مكانى اضغط على ايدى من التوتر وببص حواليا
للبنات اللى واقفين عاريات بهدومهم الداخليه فقط كنت محروجة جدا وانا شايفة الشباب بيصوروهم وبعد شوية لقيت حسام جه وعطانى ورقة وقالى: احفظى اللى مكتوب جواها عشان 10 دقايق وهنبدأ .